16:15 25.10.2012 | Все новости раздела "Либерально демократическая партия Узбекистана"

Тадбиркорлик фаолиятим кучаймоқда, бунга сабаб O`zLiDeP

Мен Севара Очилова Тадбиркорлар ва ишбилармонлар ҳаракати – Ўзбекистон Либерал-демократик партияси “Ёшлар қаноти” фаоли, хусусий тадбиркор, БПТ раисиман. Жиззах уй-жой коммунал хўжалик касб-ҳунар коллежининг тикувчилик ишлаб чиқариш йўналишини тамомлаб, ҳозирги кунда якка тартибдаги тадбиркор сифатида миллий либослар тикиш билан шуғулланяпман. Ҳозирда “Sevara Nur” устоз шогирд тикувчилик мактабим бўлиб, у ерда бошланғич партия ташкилотини очишга ҳам муяссар бўлдим. Цехимизда миллий либослар, аёллар кўйлаги, босма гулли вишивка кўйлаклар, зардўз дўппилар, чойшаблар, ёстиқлар каби маҳсулотлар ишлаб чиқарилади.Ёшларнинг тадбиркорлик фаолиятига қизиқишини кучайтириш, ўз бизнесини ташкил этиш учун иқтисодий ва ҳуқуқий шароит яратиш, олий ва ўрта махсус, касб-ҳунар таълими муассасалари битирувчиларини кичик бизнес ва хусусий тадбиркорликка жалб қилиш, ёшларни мамлакатимиз келажаги йўлидаги интилиши, изланишлари, жамоат ишларидаги фаол иштирокини қўллаб-қувватлаш ва ижтимоий сиёсий-фаоллигини ошириш мақсадида O`zLiDeP томонидан ташкил этилаётган “Диплом билан бизнесга” лойиҳасининг вилоят босқичи доирасида ўтказилган уч кунлик ўқув-семинарда иштирок этдим. “Тикувчилик фаолиятини кенгайтириш ва эркаклар кўйлагини ишлаб чиқариш” бўйича ишлаб чиқилган бизнес-режам асосида имтиёзли кредит олишга йўлланмани қўлга киритдим. Жорий йилда “Ипотека” ОАТБ вилоят филиали томонидан 9 млн. 425 сўм миқдорида кредит олишга муваффақ бўлдим. Натижада, 5 та янги иш ўрни яратиб, ҳозирги кунда самарали фаолият юритаяпман. Мақсадим, O`zLiDeP ғояларига таянган ҳолда тадбиркорлик кўламини кенгайтириш ва кўплаб янги иш ўринлари яратиш. Шунингдек, маҳсулотларимни нафақат Ўзбекистон бозорида балки, Жаҳон бозорида ҳам харидоргирлигини таъминлашдан иборат. 
Севара ОчиловаO’zLiDeP фаоли 

Источник: Либерально демократическая партия Узбекистана

  Обсудить новость на Форуме