15:46 26.11.2012 | Все новости раздела "Либерально демократическая партия Узбекистана"
Партиявий масъулият электорат ишончини қозонишдан бошланади
— Бу борада қандай фаолият юритиш O’zLiDeP Низоми ҳамда Дастурида ўз ифодасини топган. Хусусан, дастурда кўрсатилганидек, либерал-демократик ғоя ва мақсадларни кенг аҳоли онгига сингдириш, маслакдошларимиз сафларини кенгайтиришга йўналтирилган, ҳар томонлама чуқур ўйланган партия сиёсатини тарғиб этиш лозим. Бу саъй-ҳаракатлар эса партиянинг электоратга энг яқин бўғини – бошланғич ташкилотларда кечади ва кейинги жараёнлардаги натижани белгилаб беради. Ҳар бир ташкилотда аҳолининг маълум бир қатламлари уюшганини инобатга олсак, бундай ташвиқот орқали деярли бутун мамлакат аҳолисини қамраб олиш мумкинлигини англаш қийин эмас. Суҳбатдошимизнинг фикрларида жон бор, албатта. Чунки «Ўзэлтехсаноат» уюшмаси тизимидаги «Андижонкабель» ОАЖда 1500дан зиёд ишчи-ходим меҳнат қилади. Либерал-демократик ғояларни улар онгига етказиш эса O’zLiDeP мақсад ва ғояларининг 1000 дан зиёд хонадонга кириб боришини, сайловлар жараёнида партиямиз номзодларига ишонч билдирилишини таъминлаши шубҳасиз.– Партиямиз фаоллари олиб бораётган ишлар натижасида айни пайтда корхона фаолиятини партиявий фаолиятдан айрича ҳолда тасаввур қилиш қийин бўлиб қолди, – дейди БПТ етакчиси. – Ишчи-ходимларда сиёсий кўникмаларни шакллантириш мақсадида халқ депутатлари туман кенгаши депутатлари билан учрашувлар мунтазам йўлга қўйилган. Шу ва бошқа тадбирларда қонунчиликдаги янгиликлар, партиямиз фракцияси илгари сураётган янги қонун лойиҳалари қизғин муҳокама қилиниб, улар юзасидан амалий таклиф ва тавсиялар берилмоқда. Президентимизнинг «Ўзбекистон мустақилликка эришиш остонасида» асари ва Концепциясига бағишланган тадбирлар эса жамоа аъзоларининг сиёсий жараёнларга қизиқишини кучайтириб, уларда фаол фуқаролик позицияси юксалишига хизмат қилди, албатта. Қолаверса, жамоада шаклланган ташаббускорлик руҳи корхона иш унумининг ҳам юқори бўлишига хизмат қилмоқда. Хусусан, ана шундай ташаббускор вакилларимиздан стандартизация муҳандиси Людмила Краснова ҳамда 11-цех бошлиғи Абдумажит Тиллабоев «Дўстлик» ордени, 5-цех бошлиғи Солижон Дадабоев ва бош технолог ўринбосари Мадаминбек Бўтаев «Меҳнат шуҳрати» ордени билан тақдирланишган бўлса, саноат электроникаси бўлими бошлиғи Тўлқин Алиевга «Электротехника саноати фахрий ходими», корхона бош директори Яркинбек Адыловга «Ўзбекистон Республикаси саноатида хизмат кўрсатган ходим» фахрли унвонлари берилган.– Жамоа аъзоларида ислоҳотлар жараёни ва эришилаётган муваффақиятларга дахлдорлик ҳиссини уйғотишда O’zLiDeP фаолларининг хизматлари алоҳида, – дея эътироф этади импорт-экспорт маркази бошлиғи Светлана Мамажонова. – Уларнинг саъй-ҳаракати боис корхона ишчилари меҳнат жараёнига юртимиз ободлиги ва халқимиз фаровонлигини ошириш учун қўшилаётган ҳисса тимсоли сифатида қарашга ўрганишди. Мамлакатимиз тараққиёти учун ҳар бир фуқаро масъуллигини, бу борада ҳар биримизнинг овозимиз ҳал қилувчи роль ўйнашини яхши англашмоқда. Натижада корхона ходимларининг меҳнатга ва яратувчанликка бўлган иштиёқлари ортиб бормоқда. – Корхонамизда ишлаб чиқарилаётган мис ва алюминий симли кабель-ўтказгич маҳсулотлари, тоғ-кон, қурилиш ва кимё саноатида кенг қўлланиладиган металл сим тўрлар ва кенг ассортиментдаги пластик мой ҳамда намдан сақловчи материалларнинг 45 фоизи ички бозорда сотилса, 55 фоизи экспортга жўнатилади, – дейди БПТ етакчиси. – Корхонамиздаги БПТ аъзоларининг аксариятини ташкил этувчи ёшларнинг кўпчилиги хорижий тилларни пухта эгаллаган, янгича қарашдаги мутахассислар экани боис чет элликлар билан музокаралар жараёнида манфаатларимизни ҳимоя қилишда уларнинг ёрдами катта бўлаяпти. Корхона ходимларининг 29,1 фоизи, яъни 434 нафарини 30 ёшгача бўлган, юқори лавозимларда ишлаётган йигит-қизлар ташкил этиши ёшларга эътиборни янада кучайтиришимизни тақозо этади, албатта. Айниқса, Хонобод шаҳридаги информацион технологиялар коллежи битирувчиларини иш билан таъминлаш, уларни ишлаб чиқариш жараёнига мослашув жараёнини тезлаштириш мақсадида ёзги таътил даврида бевосита корхонада амалиёт ўташлари йўлга қўйилди. Ўтган мавсумда ҳам мазкур коллеж битирувчиларининг 24 нафари ана шу лойиҳада иштирок этди. Шу билан бирга, олий маълумотли ёш кадрларга талабни қондириш мақсадида корхона Турин политехника университети, Фарғона ва Самарқанд техника университетининг беш нафар талабасининг таълим учун шартнома пулларини тўлаб келмоқда.
Хуршида ЧОРШАНБИЕВА
“XXI-asr” ижтимоий-сиёсий газетаси
Обсудить новость на Форуме