20:00 30.01.2014 | Все новости раздела "Либерально демократическая партия Узбекистана"
ЛОЙИҲАЛАРИМИЗ ИМКОНИЯТЛАРИНГИЗГА ЙЎЛ ОЧАДИ
Янгибозор туманидаги қишлоқ хўжалиги касб-ҳунар коллежида O‘zLiDePнинг “Кичик бизнес ва тадбиркорлик ривожи соғлом ва обод турмушнинг муҳим шартидир” форуми доирасида партиявий лойиҳалар тарғиботига қаратилган семинар ўтказилди. Семинарда партиянинг жорий йилги лойиҳалари, уларнинг мақсад ва вазифалари, лойиҳаларда қатнашиш шартлари ва қоидалари ҳақида батафсил маълумот берилди. Тадбирда Президентимиз Ислом Каримовнинг Конституциямиз қабул қилинганининг 21 йиллигига бағишланган тантанали маросимдаги маърузасида белгиланган устувор йўналиш ва вазифалар ижросини таъминлаш, ҳудудларда аграр соҳага ихтисослаштирилган касб-ҳунар коллежлари ўқувчиларининг тадбиркорлик ва фермерлик соҳасидаги амалий билим ва кўникмаларини мустаҳкамлаш масалаларига ҳам тўхталиб ўтилди. - O‘zLiDeP ёшларни ҳар томонлама баркамол этиб тарбиялаш, уларни тадбиркорлик фаолиятига кенг жалб этиш масалаларига жиддий ёндашади, - деди O‘zLiDeP вилоят кенгаши бўлим мудири Д.Жуманиёзов. - 2004 йилдан буён ўтказиб келинаётган “Ишбилармон талаба” кўрик танлови сўзимизнинг исботидир. Биз тадбиркор оилалар кўпайиши тарафдоримиз. “Мулкдор оила” номли лойиҳамиз шу мақсадга қаратилган. Бундан ташқари ҳам кўплаб лойиҳаларимиз мавжудки, улар ёшларимизнинг, хотин-қизларимизнинг ўз имкониятларини юзага чиқаришига хизмат қилади. Семинарда сўзга чиққан “Жуман танли” фермер хўжалиги раҳбари Б.Раҳмонов ўз хўжалиги мисолида кўп тармоқли фермер хўжалигини ташкил этиш, унинг истиқболли фаолияти ҳақида гапириб берди. Унинг сўзларига кўра, ўз хўжалигида сутни қайта ишлашни йўлга қўйиш орқали фаолиятини кенгайтирган. Бунинг натижасида 2012-2013 ўқув йилида тумандаги касб-ҳунар коллежлари битувчиларидан 3 нафарини иш билан таъминлаган. Бу йил эса яна 7 битирувчини ишга олишни режалаштирмоқда. Фикр-мулоҳазаларга бой бўлган семинар иштирокчилари ўзларини қизиқтирган кўплаб саволларга жавоб олди. O‘zLiDeP Хоразм вилояти КенгашиМатбуот хизмати
Обсудить новость на Форуме