19:15 05.05.2014 | Все новости раздела "Либерально демократическая партия Узбекистана"

ЁШЛАР ПАРТИЯ ЛОЙИҲАСИ ОРҚАЛИ ЎЗ ОРЗУСИГА ЕТМОҚЧИ

Қўнғирот саноат касб-ҳунар коллежида O‘zLiDePнинг “Диплом билан бизнесга” лойиҳаси туман босқичи ўтказилди. 
- Лойиҳа Олий ва ўрта махсус таълим вазирлиги, Марказий банк, бир неча тижорат банки, Ўзбекистон Суғурта бозори профессионал иштирокчилари уюшмаси билан ҳамкорликда амалга оширилмоқда, - дейди тадбирда қатнашган Халқ депутатлари Қўнғирот туман кенгаши депутати Г.Эгембердиева. - Бу йил лойиҳага имкон қадар кўпроқ ёшларни жалб этишга ҳаракат қилдик. Чунки уларнинг интилишларини қўллаб-қувватлаш партиямиз ўз олдига қўйган асосий вазифалар сирасига киради. 
“Микрокредитбанк” Қўнғирот тумани бўлими раҳбари З.Болтабоева эса Президентимизнинг “Таълим муассасаларининг битирувчиларини тадбиркорлик фаолиятига жалб этиш борасидаги қўшимча чора-тадбирлар тўғрисида”ги фармони ижросини таъминлашда O‘zLiDePнинг бу лойиҳаси муҳим аҳамият касб этаётганини таъкидлади. 
“Биз партия билан ҳамкорликда ўтказаётган давра суҳбатлари ва семинар-тренинглар бу йўналишдаги фаолиятимизни жонлантиришда яхши самара беряпти”, - деди банк вакили. 
Қўнғирот қишлоқ хўжалиги касб-ҳунар коллежи 3-босқич ўқувчиси А.Жолдасова партия лойиҳалари чекка туманларни ҳам қамраб олаётганидан мамнун эканини билдирди. 
Унинг айтишича, тикувчилик цехи очиш орзусини амалга ошириш мақсадида партия лойиҳасида иштирок этмоқда. 
“Келажакда хушбичим кийим-кечаклар ишлаб чиқаришни йўлга қўйиб, юртимиз равнақига ҳисса қўшиш ниятидаман”, - деди А.Жолдасова. O‘zLiDeP Қорақалпоғистон Республикаси КенгашиМатбуот хизмати

Источник: Либерально демократическая партия Узбекистана

  Обсудить новость на Форуме