14:46 28.02.2014 | Все новости раздела "Либерально демократическая партия Узбекистана"

ЁШЛАР ФАОЛЛИГИНИ ОШИРИШГА ЭЪТИБОР

O‘zLiDeP Қорақалпоғистон Республикаси Кенгаши Хўжайли тумани алоқа касб-ҳунар коллежида “Ёшларимизнинг онги ва тафаккурини шакллантиришда “Ёшлар қаноти”нинг ўрни” мавзуида давра суҳбати ўтказди.

Унда ёшларнинг ижтимоий-сиёсий фаоллигини ошириш, уларнинг мамлакатимиз келажагини яратиш йўлидаги изланишлари, тадбиркорлик ва ишбилармонлик борасидаги интилишларини мунтазам рағбатлантириш каби масалалар кун тартибида бўлди. 

- Битирувчи ёшлар бандлигини таъминлаш, уларни бегона мафкура ва қадриятлардан асраш, ҳаётда ўз йўлини топишига кўмаклашиш борасида кўпгина ишларни амалга оширяпмиз, - деди тадбирда сўзга чиққан O‘zLiDeP Хўжайли туман Кенгаши аппарати раҳбари А.Қиличов. - “Диплом билан бизнесга”, “Ишбилармон талаба”, “Агар мен депутат бўлсам” каби лойиҳаларимиз айнан шу мақсадларга қаратилган.

Худди шундай тадбир Кегайли туманидаги Эркиндарё қишлоқ хўжалиги касб-ҳунар коллежида ҳам ташкил этилди. 

Учрашувларда иштирокчилар томонидан билдирилган фикр-мулоҳозалар асосида яқин келажакда қилиниши лозим бўлган вазифалар белгилаб олинди. 

 O‘zLiDeP Қорақалпоғистон Республикаси Кенгаши
Матбуот хизмати

Источник: Либерально демократическая партия Узбекистана

  Обсудить новость на Форуме