15:30 19.02.2013 | Все новости раздела "Либерально демократическая партия Узбекистана"
ЁШ АВЛОД - ТАЯНЧ ва СУЯНЧИМИЗ
Бугунги кунда O’zLiDeP Сирдарё вилоят Кенгаши ёшларнинг сиёсий, ҳуқуқий билимларини бойитишга қаратилган туркум тадбирлар ўтказиб келмоқда. Шундай тадбирлардан бири O’zLiDeP Сайхунобод туман Кенгаши ташаббуси билан тумандаги қишлоқ хўжалик касб-ҳунар коллежида бўлиб ўтди. Тадбир Президентимиз Ислом Каримовнинг “Ўзбекистон мустақилликка эришиш остонасида” номли китоби мазмун-моҳиятини ўрганишга бағишланди. – Юртбошимизнинг мазкур асари ёшларимизда ватанпарварлик ғоясини, теран фикр, кенг дунёқараш ва фуқаролик позициясини шакллантиришда муҳим омил бўлмоқда, – дейди O’zLiDeP Сайхунобод туман Кенгаши аппарати раҳбари Б.Раҳимов. – Агар ёшлар дунёқарашида жамият тараққиётига, инсон камолотига хизмат қиладиган ғоялар ва уларни амалга оширадиган мафкуравий усуллар, воситалар мавжуд бўлса, инсон ва шу орқали жамият равнақ топади, аксинча бўлса турғунлик юз бериши, ҳатто жамиятнинг орқага кетиши кузатилади. Коллеж директори Қ.Исмоилов ёшларнинг сиёсий, ҳуқуқий саводхонликларини бойитиш борасида O’zLiDeP туман Кенгаши билан яқин ҳамкорлик йўлга қўйилганини билдирди. “Давлатимиз раҳбарининг асарлари дунё миқёсида катта қизиқиш билан ўрганилмоқда экан, бу борада ҳаммадан ҳам ёшларимиз кўпроқ билимга эга бўлиши керак. Зеро, Юртбошимиз таъкидлаганидек, мамлакатимизнинг дунёдаги ривожланган демократик давлатлар қаторидан жой олишидек буюк мақсадга эришиши йўлида бизнинг энг катта таянч ва суянчимиз ёш авлоддир”, – деди Қ.Исмоилов. Шундан келиб чиққан ҳолда, O’zLiDeP асосий эътиборни, партия дастурида ҳам қайд этилганидек, ўрта таълим соҳасидаги муаммоларга, биринчи галда, ўқитиш сифати, кутубхоналар тизими ривожи, ўқувчиларнинг замонавий адабиётлар билан таъминланиши, мактабларнинг энг сўнгги технологик ютуқлар билан жиҳозланишига қаратмоқда.Тадбирда қатнашган ўқувчи ва талабалар касб-ҳунар коллежларидаги таълим тизими замонавий талаблар асосида ташкил қилинаётгани ёшларнинг имкониятларини тўла рўёбга чиқаришда муҳим омил бўлаётганини таъкидладилар. Тадбирда ёшларга O’zLiDePнинг Сайловолди дастурида қайд этилган асосий вазифалар, жумладан, партия инсон маънавий салоҳиятининг узлуксиз ўсишини таъминлашга интилиши, замонавий илмий билимлар билан қуролланган ва баркамол инсонни шакллантиришга хизмат қиладиган таълимнинг янги миллий моделига тўлиқ ўтиш жараёнини қўллаб-қувватлаши, унда фаол иштирок этиши борасида тушунчалар берилди.
O’zLiDeP Сирдарё вилоят КенгашиМатбуот хизмати
Обсудить новость на Форуме