01:00 28.02.2013 | Все новости раздела "Либерально демократическая партия Узбекистана"
Фаол аёллар етакчи кучга айланмоқдалар
O`zLiDeP Жиззах вилоят кенгаши Аёлларнинг сиёсий фаоллиги, жамиятдаги ўрни ва мавқеини ошириш бўлими мудири Наргиза МАВЛОНОВА «ХХI asr» мухбири саволларига жавоб беради. — 2012 йил Ўзбекистон Либерал-демократик партиясининг «Аёллар қаноти» ҳамда унинг ҳудудий бўлинмалари учун сермаҳсул йил бўлди, — дейди суҳбатдошимиз. — Хусусан, хотин-қизларни оилавий бизнесга ўргатиш ва тадбиркорлик кўникмаларини шакллантириш билан боғлиқ 200 га яқин тадбирда минглаб опа-сингилларимиз қатнашиб, ўз билим ва малакаларини оширдилар. Сафимиздаги хотин-қизлар сони эса 300 нафарга ортди. Айниқса, «Тадбиркорлик тамойиллари — ишбилармонлик имкониятлари» лойиҳаси ва унинг мантиқий давоми бўлган «Оилавий тадбиркорликдан — мустаҳкам оилага» лойиҳалари доирасида ўтказилган тадбирларда юзлаб хотин-қизларга ўз бизнесларини бошлаши учун имконият яратилди. — «Аёллар қаноти» қошида ташкил этилган «Дийдор» сайёр клуби фаолиятига ҳам тўхталиб ўтсангиз.— Ушбу клуб O`zLiDePнинг вилоятимиздаги сиёсий етук, тадбиркор ва ташкилотчи аъзоларидан ташкил топган. Сафимиздаги фаол хотин-қизларнинг йил бошидан қатъий режа асосида, барча туман (шаҳар) кенгашларида сайёр йиғилишлар ташкил этиб, маҳаллий шароит ва имкониятларни ўрганган ҳолда намунавий томорқалар ташкил этиш ғоясини илгари сургани аёлларимизни тадбиркорликка жалб этиш имкониятини янада оширди. Чекка қишлоқларда тадбиркорлик билан шуғулланаётган ва шу соҳада ўз фаолиятини бошлаш истагидаги хотин-қизларни бизнес-режа тузиш, молиявий ҳисоб-китоб юритиш, замонавий маркетинг, кредит олиш тартиблари билан таништириш учун махсус гуруҳ ташкил этилган. Унинг ташаббуси билан хотин-қизлар ўртасида оилавий бюджетни шакллантириш, йиллик таҳлил ўтказиш, ойлик харажатларни бошқариш, молиявий режалаштиришни мукаммаллаштиришга ўргатувчи «Менинг оилавий бюджет китобчам» номли кундалик дафтарлар тарқатилди. Шунингдек, уларнинг омонатларини банкларда жамғариш ҳамда тадбиркорликка йўналтириш бўйича «Ўз кўрсаткичингизни белгилаб олинг» номли ўқув-семинарлар ўтказилиб, бошловчи тадбиркорларга яқиндан кўмак берилди.— «Обод турмуш йили»да «Аёллар қаноти» томонидан қандай ишларни амалга ошириш режалаштирилган?— Янги йилнинг «Обод турмуш йили» деб эълон қилингани юртимиздаги ҳар бир оилада соғлом муҳит, обод ва фаровон турмуш тарзини яратиш йўлидаги эзгу ишларни изчиллик билан давом эттиришни тақозо этади, албатта. Бу, ўз навбатида, аёллар манфаатини ҳимоя қилувчи ташкилотлар қатори, O`zLiDeP «Аёллар қаноти» зиммасига жуда катта масъулият юклайди. Қолаверса, хотин-қизларимизни амалий ишларга сафарбар этиш, уларнинг сиёсий-иқтисодий билимларини ошириш, тадбиркорлик йўналишидаги интилишларини қўллаб-қувватлаш бош вазифамиз ҳисобланади. Сафимиздаги опа-сингилларимиз орасида ишбилармон сифатида кўпчиликка ўрнак бўла оладиган, тадбиркорликка лаёқатли хотин-қизларимизни ҳар томонлама қўллаб-қувватлаш имкониятига эга фаолларимиз кўпчиликни ташкил этади. Фаолиятимизни янада жонлантиришда улар кўмагидан ҳам кенг фойдаланаяпмиз. Шунингдек, олий ва ўрта махсус таълим муассасаларида тузилган «Ёш лидер қизлар клуб»лари ишини ҳам тубдан кўриб чиқдик. Аёллар ўртасида кичик ва оилавий бизнесни ривожлантириш, шунингдек, «Соғлом она — соғлом бола» ғоясини янада кенг тарғиб этишга йўналтирилган лойиҳаларимизни амалга оширишга алоҳида эътибор қаратаяпмиз. Асосий кучимиз эса ҳар доимгидек аёлларнинг сиёсий фаоллиги жамиятдаги ўрни ва мавқеини оширишга қаратилади. Хотин-қизлар қўмитаси, «Камолот» ЁИҲ ва бошқа нодавлат нотижорат ташкилотлари билан ҳамкорликдаги саъй-ҳаракатларимиз эса ижтимоий шерикчилик йўналишидаги фаолиятимизни жонлантириш билан бирга барча ёшдаги хотин-қизлар билан янада яқиндан алоқа ўрнатишда қўл келмоқда. Масалан, ўтган «Мустаҳкам оила йили»да «Ҳунарманд аёл» ассоциацияси, «Истиқболли авлод», «Қалб нури» ННТлари билан ҳамкорликдаги «Оилавий бизнесни ривожлантириш» лойиҳаси доирасида 128 нафар хотин-қиз тикиш-бичиш, кондитер маҳсулотлари тайёрлаш ва компьютер курсларида бепул ўқитилганди. Флористлар ассоциацияси билан биргаликда 32 нафар аёлни уй меҳнатига жалб қилдик. «Истиқболли авлод» нодавлат нотижорат ташкилоти билан ҳамкорликда эса одам савдоси, ичкиликбозлик ва бошқа салбий иллатларга қарши тарғибот-ташвиқот ишларини йўлга қўйганимиз ҳам яхши самара берди. Мухтасар қилиб айтганда, O`zLiDeP Жиззах вилоят кенгашининг «Аёллар қаноти» томонидан амалга оширилаётган ишлар хотин-қизлар ўртасида либерал-демократик ғояларни кенг тарғиб этиш баробарида юртимизда сиёсий фаол, тадбиркор опа-сингилларимиз сафини янада кенгайтиришга ҳисса бўлиб қўшилмоқда. Наргиза ҚАҲҲОРОВА
суҳбатлашди
“XXI-asr” ижтимоий-сиёсий газетаси
Обсудить новость на Форуме