13:31 19.04.2010 | Все новости раздела "Объединенная Гражданская Партия"
Івонка Сурвіла пераабраная старшынёй Рады БНР
У Лёндане адбылася 27-ая сэсія Рады Беларускай Народнай Рэспублікі.
Удзельнікі сэсіі ўшанавалі хвілінай маўчаньня памяць ахвяраў авіяцыйнай катастрофы пад Смаленскам, сярод якіх былі прэзыдэнт Польшчы Лех Качыньскі з жонкай і Рышард Качароўскі, апошні прэзыдэнт Польшчы ў выгнаньні.
Былі заслуханыя справаздачы кіраўніцтва Рады і сэктараў. Асаблівая ўвага была нададзеная падтрымцы адукацыйнай і культурніцкай дзейнасьці ў Беларусі, спрыяньню росту нацыянальнай сьвядомасьці. Удзельнікі сэсіі разгледзелі плян дзеяньняў на бліжэйшы час і пэрспэктывы супрацоўніцтва з палітыкамі ЗША, Канады і эўрапейскіх краінаў, а таксама з міжнароднымі арганізацыямі.
Сэсія Рады БНР прыняла рэзалюцыю супраць будаўніцтва АЭС на тэрыторыі Беларусі.
У адпаведнасьці са Статутам Рады, адбыліся выбары кіраўніцтва. Старшынёй Рады Беларускай Народнай Рэспублікі пераабраная Івонка Сурвіла.
Обсудить новость на Форуме