19:01 08.01.2009 | Все новости раздела "Объединенная Гражданская Партия"
Інстытут гісторыі не закрыюць
Адказваючы на пытанне Радыё Рацыя пра тое, ці не будуць у звязку з эканамічнымі цяжкасцямі некаторыя з інстытутаў расфармаваныя, намеснік старшыні прэзідыюму Акадэміі навук Пётр Віцязь выказаў упэўненасць, што ўсе ўстановы застануцца ў працы. У тым ліку інстытут гісторыі, пра ліквідацыю якога перыядчна з’яўляюцца чуткі.
Як прызнаўся журналістам Пётр Віцязь, эканамічныя цяжкасці адбіліся і на беларускай навуцы.
- Сёння мы перажываем цяжкі перыяд, бо ў нас адкрытая эканоміка, таму маем цяжкасці са збытам тэхнікі. Шмат якія банкі спынілі крэдытаванне і натуральна, што расійскія і еўрапейскія пакупнікі маюць вялікія цяжкасці ў спажыванні гэтай прадукцыі.
Цяпер пры Акадэміі навук працуе ля 17 тысячаў чалавек, а ў структуру ўстановы ўваходзіць з поўсотні навуковых інстытутаў. Адказваючы на пытанне Радыё Рацыя пра тое, ці не будуць у звязку з эканамічнымі цяжкасцямі некаторыя з іх расфармаваныя, намеснік старшыні прэзідыюму Акадэміі навук Рэспублікі Беларусь запэўніў: ніводзін інстытут не будзе ліквідаваны., у тым ліку інстытут гісторыі, пра ліквідацыю якога перыядчна з’яўляюцца чуткі.
- Пра закрыццё інстытутаў пытанне не стаіць. Так, магчыма закрыюцца некаторыя кірункі ў тым ці іншым інстытуце, можа быць аб’яднанне інстытутаў, якія не будуць запатрабаваныя. Але гэта дакладна не інстытут гісторыі. Бо ён цяпер яшчэ больш запатрабаваны і хутка развіваецца і яго працу наадварот варта ўзмацніць.
Обсудить новость на Форуме