14:31 31.03.2010 | Все новости раздела "Объединенная Гражданская Партия"

Ініцыятыва АГП падтрымліваецца

ХІІІ З’езд Аб’яднанай грамадзянскай партыі 21 сакавіка абвясціў аб выхадзе АГП як структуры з кампаніі па выбарах у мясцовыя саветы дэпутатаў, грунтуючыся на меркаваннях аб брутальнасці гэтай кампаніі, дзе маюць месца прадузятае стаўленне падчас фармавання выбарчых камісій і ціск на апазіцыйных кандыдатаў з боку ўлады. 

Нагадаем, што выхад з кампаніі стаў абавязковым для тых, хто вылучаўся ў якасці кандыдатаў менавіта праз партыйны механізм, але рашэнне не закранае тых, хто вылучаецца шляхам збора подпісаў.

Як паведамляе Радыё Свабода, днямі віцебская актывістка партыі БНФ і руху «За свабоду» Тамара Карызна адмовілася змагацца за месца дэпутата ў Шаркоўшчынскім райсавеце з-за пагроз аб яе звальненні з месца працы. Таксама абвясцілі пра адмову балатавацца Уладзімер Кунцэвіч з Наваполацку і Ніна Кавалёва з Віцебску.

Пры тым, як паведамлялася раней ucpb.org, 26 сакавіка на супольнай кансультацыі  прадстаўнікоў палітычных структур, якія бяруць удзел у мясцовых выбарах, дэмакратычныя лідэры пагадзілся, што ёсць сэнс і патрэба ў супольнай заяве, дзе будзе дадзена ацэнка гэтай палітычнай кампаніі. 

Услед за Аб’яднанай грамадзянскай партыяй  Беларуская сацыял-дэмакратычная Грамада, рух “За свабоднае развіццё прадпрымальніцтва”, аргкамітэт Партыі працы заявілі аб неабходнасці выхаду палітычным структурам з выбарчай кампаніі, пакінуўшы права кандыдатам, якія ідуць на выбары праз збор подпісаў, самастойна вырашаць пытанне ўласнага ўдзелу.

Источник: Объединенная Гражданская Партия

  Обсудить новость на Форуме