21:45 11.04.2008 | Все новости раздела "Объединенная Гражданская Партия"

Станiслаў Багданкевiч: «Пачынаецца распродаж беларускiх банкаў»

19:49, 11 Апреля |

Знешняя запазычанасць беларускiх банкаў упершыню дасягнула трох мiльярдаў долараў. Гэта выцякае з тых лiчбаў, якiя назваў, выступаючы ў Савеце Рэспублiкi, старшыня праўлення Нацыянальнага банка Беларусi Пётр Пракаповiч.

Паводле ягонай iнфармацыi, летась знешняя запазычанасць узрасла больш чым на два мiльярды долараў. А ў першым квартале 2008 года банкi дадалi яшчэ паўмiльярда. Галоўны банкiр краiны сказаў: "Мы актыўна карыстаемся знешнiмi пазыкамi, але, натуральна, так, каб не парушыць бяспеку функцыянавання нашай банкаўскай сiстэмы".

Былы старшыня Нацбанка Станiслаў Багданкевiч у iнтэрв’ю Радыё Свабода адзначыў, што беларуская банкаўская сiстэма апошнiм часам усiмi спосабамi спрабуе прыцягнуць як мага больш замежнага капiталу.

— Можна нават сцвярджаць: сёлета пачынаецца раздзяржаўленне беларускiх банкаў, — гаворыць Багданкевiч. — Аб’яўлена, што кантрольныя пакеты двух буйных дзяржаўных банкаў ("Прамбудбанк" i "Белiнвестбанк") прададуць замежнаму капiталу. Яшчэ два буйныя дзяржаўныя банкi ("Беларусбанк" i "Белаграпрамбанк") выстаўляюць на продаж прыкладна па 15% сваiх акцый. Карацей, аж сем банкаў збiраюцца прадаць за мяжу значную частку сваiх актываў.

Думаю, што такiя надзвычайныя дзеяннi перадусiм тлумачацца жаданнем прыцягнуць iнвестыцыi ў беларускую эканомiку праз банкаўскую сферу.



Источник: Объединенная Гражданская Партия

  Обсудить новость на Форуме