14:15 20.12.2007 | Все новости раздела "Объединенная Гражданская Партия"

Рэпрэсіі супраць народа сведчаць пра страх іх арганізатараў

13:05, 20 Декабря |

Заява Аб’яднаных дэмакратычных сіл

Канстатуючы, што на працягу апошніх гадоў цяперашняе кіраўніцтва Беларусі ўсё ў большай ступені дэманструе сваю няздольнасць кіраваць краінай нармальнымі цывілізаванымі сродкамі,

рэпрэсіі супраць актывістаў палітычных партый і недзяржаўных арганізацый як відавочны доказ такой няздольнасці,

збіванне грамадскіх актывістаў, іх арышты і крымінальны пераслед сведчаць пра поўную непавагу цяперашняга кіраўніцтва не толькі да міжнародных дагавораў, але ў першую чаргу да сваіх грамадзян,

што супрацоўнікі міліцыі, спецслужбаў і судоў вынаходзяць усё больш цынічныя м амаральныя сродкі пераследу грамадскіх актывістаў накшталт абвінавачванняў у нецэнзурнай лаянцы,

што ў выпадку паслядоўнага прыцягнення да адказнасці за нецэнзурную лаянку павінны быць арыштаваны амаль што ўсе супрацоўнікі міліцыі на чале з кіраўнікамі МУС,

Прэзідыум Палітычнай Рады Аб’яднаных дэмакратычных сіл

Асуджае палітычныя рэпрэсіі і іх арганізатараў і патрабуе неадкладнага вызвалення ўсіх палітзняволеных,

Патрабуе спынення рэпрэсій і прыцягнення да адказнасці іх арганізатараў,

Пратэстуе супраць збіцця мірных грамадзян 12 снежня 2007 года і патрабуе прыцягнення да крымінальнай адказнасці тых, хто збіваў Зміцера Хведарука і іншых удзельнікаў мірнай акцыі,

Патрабуе адстаўкі Міністра унутраных спраў, пад кіраўніцтвам якога:

яго падначаленыя ужываюць сілу і зброю супраць мірных грамадзян,

байцы элітных падраздзяленняў выступаюць у судах у якасці “пацярпелых”, якіх “пакрыўдзілі” звычайныя грамадзяне,

яго падначаленыя цынічна пішуць хлуслівыя пратаколы па абвінавачванню прыстойных людзей у дробным хуліганстве,

яго падначаленыя хлусяць у судах у якасці сведкаў.

Чалавек, які ў якасці кіраўніка стварыў такую атмасферу ў сваім калектыве, не мае маральнага права заставацца на сваёй пасадзе.



Источник: Объединенная Гражданская Партия

  Обсудить новость на Форуме