19:30 01.10.2007 | Все новости раздела "Объединенная Гражданская Партия"

Сужэнцы Джуста-Барначын напісалі ліст да Вікі Мароз

17:57, 1 Октября |

Нагадаем, што 30 верасьня 2006 беларуская сірата Віка Мароз была дастаўленая з Генуі ў Беларусь спэцыяльным авіярэйсам, у суправаджэньні сямі чалавек - дыпляматаў ды мэдыкаў. Гэтаму надзвычайнаму начному пералёту папярэднічаў традыцыйны адпачынак дзяўчынкі ў італьянскім мястэчку Кагалета, у сям’і Алесандра Джуста і Марыі К’яры Барначын. Напачатку верасьня заклапочаныя псыхалягічным станам Вікі сужэнцы, вырашылі пакінуць сірату ў Італіі і цягам 20 дзён хавалі яе ў Альпах.


Свой адкрыты ліст да беларускай дзяўчынкі Марыя К’яра Барначын ды Алесандра Джуста пачынаюць такімі словамі:

“Наша самая дарагая Віка, прайшоў год з таго дня, як ты прымусова пакінула Італію - краіну, якую ты вельмі палюбіла. Твае і нашы сябры прапанавалі з гэтай нагоды правесьці нейкую вялікую імпрэзу і такім чынам узгадаць гэты сумны дзень. Аднак мы вырашылі, што лепш напісаць да цябе гэты адкрыты ліст. Яго можа прачытаць кожны, хто захоча. Хай, бо нам няма чаго хаваць ад іншых”.

Сужэнцы спадзяюцца, што прачытаўшы гэты ліст, многія іншыя задумаюцца, што ж ёсьць “сапраўдным дабром для дзіцяці”. У размове з выданьнем Il Vostro Giornale Алесандра Джуста кажа, што і ён, і Марыя К’яра па-ранейшаму лічаць адлучэньне Вікі ад іх сям’і чалавечай несправядлівасьцю і што ніхто, нішто і ні пры якіх абставінах не прымусіць іх адмовіцца ад дзяўчынкі і спыніць намаганьні дзеля вяртаньня дзіцяці ў сям’ю.

Як падаюць італьянскія мэдыі, у першыя дні кастрычніка ў Генуі мае распачацца судовая справа па леташнім незаконным ўтрыманьні беларускай сіраты ў Італіі. Працэс ініцыяваны беларускай амбасадай ў Рыме. Сярод галоўных фігурантаў справы акрамя сужэнцаў з Кагалета праходзяць бацькі Алесандра і Марыі К’яры, а таксама два сьвятары, якія бралі ўдзел ва ўтойваньні Вікі. Напярэдадні адвакат сям’і Джуста-Барначын Джавані Рыка зьвярнуўся да італьянскіх судовых інстанцыяў з просьбай выклікаць на працэс у Геную беларускую сірату. У сваю чаргу прадстаўнікі беларускіх дзяржаўных органаў адукацыі і апекі цалкам выключаюць такую магчымасьць.



Источник: Объединенная Гражданская Партия

  Обсудить новость на Форуме