19:15 30.07.2007 | Все новости раздела "Объединенная Гражданская Партия"
Агітацыя для пасажыраў электрацыў
16:47, 30 Июля |
29 ліпеня Маладыя Дэмакраты правялі чарговую акцыю па інфармаваньню насельніцтва аб прапановах Эўрапейскага Зьвязу беларусам . На гэты раз асноўны акцэнт быў зроблены на людзей, якія з’язджалі з Менску ў іншыя рэгіёны нашай краіны, а менавіта на пасажыраў электрацыяў . Прычым інфармацыйнымі матэрыяламі былі забясьпечаны пасажыры ўсіх накірункаў на выездзе з Менску.
"Менавіта такія месцы па распаўсюду матэрыялаў былі абраны невыпадкова, - пракаментаваў Андрэй Дзенісевіч, адзін з сябраў Маладых Дэмакратаў , - менавіта такім відам транспарту карыстаюцца людзі , якіх набліжаючыяся рэформы беларускай сацыяльнай сыстэмы закрануць у першую чаргу. Таксама, мы сыходзілі з таго, што пасажыры маюць час як прачытаць, так перадаць матэрыял іншым людзям, фактычна, ва ўсіх рэгіёнах Беларусі ."
Рэакцыя пасажыраў была станоўчая (а пасьля таго як даведвалісь, што брашуры бесплатныя - бралі, нават, без цені сумневу), прапановы
Эўрапейскага Зьвязу выклікалі здаровую цікавасьць, асабліва ў кантэксьце таго, што з наступнага году, так званая "сацыяльна арыентаваная" дзяржава пазбаўляе ільготаў самыя безабаронныя слаі насельніцтва: маладых людзей, пэнсіянэраў , інвалідаў . Асноўныя пытаньні , што гучалі ад людзей, атрымаўшых матэрыялы па прапановах Эўрапейскага Зьвязу да Беларусі , зводзілісь да таго, "чаму Эўрапейскі Зьвяз не пачаў падтрымоўваць Беларусь да гэтага часу?" "як непасрэдна на кожным чалавеку адаб’ецца дапамога Эўрапейскага Зьвязу?" Адказы на гэтыя і іншыя пытаньні з боку маладых актывістаў прымусілі шмат людзей задумацца адносна сёньняшняй сітуацыі ў Беларусі , магчыма, зрабіць лагічныя, але небясьпечныя для сёньняшней палітычнай сыстэмы высновы.
"На шчасьце, акцыя прайшла без інцыдэнтаў, мы, Маладыя Дэмакраты,
безумоўна, працягнем кампанію па інфармаваньню беларусаў аб Эўрапейскім зьвязе, яго каштоўнасьцях і эўрапейскіх перспектывах Беларусі" - падсумаваў Андрэй Дзенісевіч.
Обсудить новость на Форуме