16:45 27.12.2006 | Все новости раздела "Объединенная Гражданская Партия"
Актывіст АГП выклікае ў суд дзяржаўную газету "Гомельская праўда"
15:27, 27 Декабря |
Пазоў да дзяржаўнай абласной газеты “Гомельская праўда” аб абароне гонару, годнасці і дзелавой рэпутацыі падаў у суд старшыня гомельскай гарадской арганізацыі Аб`яднанай грамадзянскай партыі Андрэй Толчын, – паведамляе прэс-служба БАЖ.
Ён патрабуе прызнаць несапраўднымі звесткі, выкладзеныя ў артыкуле «А вы, друзья, как ни садитесь…», які быў апублікаваны ў нумары «Гомельскай праўды» ад 16 лістапада.
У публікацыі, прысвечанай семінару прадстаўнікоў дэмакратычных сіл (які праходзіў у Кіеве, і дзе аўтар артыкула не прысутнічаў), сцвярджаецца, што «элементарная зависть иметь богатство и роскошь удерживает рядовых членов демократических организаций местного уровня в стане оппозиции».
І далей: «Конечно, никто из них роскоши, подобной вожакам, позволить себе не в состоянии»; «Вот, к примеру, А. Толчин о доме может только мечтать». Пра сям’ю А. Толчына сказана, што яны «фактически являются бомжами». Андрэй з жонкай жывуць у кватэры яго сястры.
Андрэй Толчын просіць суд абавязаць рэдакцыю апублікаваць абвяржэнне, а таксама спагнаць на яго карысць з газеты «Гомельская праўда» 10 мільёнаў і з аўтара артыкула Пятра Кузьміна 2 мільёны рублёў.
Обсудить новость на Форуме