17:36 04.10.2006 | Все новости раздела "Объединенная Гражданская Партия"

Да кіраўніцтва тэлерадыёкампаніі "Брэст" звярнуліся прадстаўнікі палітычных партый рэгіёна

16:10, 4 Октября |

Зварот да старшыні тэлерадыёкампаніі “Брэст” Ларысы Дабрадомавай накіравалі ўчора кіраўнікі брэсцкіх арганізацый Партыі  БНФ, Аб’яднанай грамадзянскай партыі, БСДП (Грамада) і Партыі камуністаў Беларускай. Аўтары звароту патрабуюць магчымасці рэалізаваць сваё канстытуцыйнае права – карыстацца дзяржаўнымі сродкамі інфармацыі, у дадзеным выпадку эфірам брэсцкага абласнога тэлебачання.

Палітыкі просяць “даць магчымасць сябрам партыяў браць удзел у тэлевізійных перадачах, у якіх абмяркоўваюцца значныя падзеі палітычнай, сацыяльна-эканамічнай, культурнай і іншых сфер жыцця грамадства”.

“Сяброўства ў нашых партыях вучоных, людзей, якія маюць вялікі вопыт працы ў органах дзяржаўнага кіравання, юрыстаў, педагогаў, моладзі, ветэранаў дазваляе спадзявацца на іх прафесійны удзел у абмеркаванні найбольш вострых і злабадзённых праблем”, - выкладзена ў лісце.

На думку грамадскіх актывістаў, станоўчае вырашэнне гэтага пытання будзе спрыяць павышэнню цікавасці жыхароў брэсцкага рэгіёну да тэлевізійных перадач і пошуку аптымальных рашэнняў канкрэтных жыццёвых праблем.

Аўтары звароту нагадваюць кіраўніцтву брэсцкага тэлебачання, што права выкарыстоўваць дзяржаўныя СМІ палітычным партыям дае Канстытуцыя Рэспублікі Беларусь, а таксама Асноўны Закон гарантуе кожнаму грамадзяніну свабоду думкі, перакананняў і іх свабоднае выказванне і не дапускае манапалізацыю СМІ дзяржавай.



Источник: Объединенная Гражданская Партия

  Обсудить новость на Форуме