16:12 14.09.2006 | Все новости раздела "Объединенная Гражданская Партия"
Газету "Бобруйский курьер" не акрэдытоўваюць на "Дажынкі-2006"
14:51, 14 Сентября |
Недзяржаўная газета "Бобруйский курьер" не будзе акрэдытавана на фестывалі "Дажынкі-2006", які сёлета пройдзе ў Бабруйску напрыканцы верасня. Аб гэтым галоўнаму рэдактару газеты Анатолю Санаценка паведаміў па тэлефоне супрацоўнік упраўлення ідэалагічнай работы Магілёўскага аблвыканкама Міхаіл Халамаў. Свайго дазволу на гэта не даў Бабруйскі гарвыканкам, з якім, як можна было зразумець, "раілася" Упраўленне. Прычынай адказу ў акрэдытацыі "Бобруйского курьера" М. Халамаў назваў адсутнасць узаемадзейнасці газеты з уладамі.
11 верасня рэдакцыя выдання даслала ва ўпраўленне ідэалагічнай работы Магілёўскага аблвыканкама ліст-заяўку з просьбай аб акрэдытацыі. Не атрымаўшы пісьмовага адказу на свой ліст ў адведзены заканадаўствам тэрмін, галоўны рэдактар "Бобруйского курьера" патэлефанаваў, каб высветліць сітуацыю, у аблвыканкам. Анатоль Санаценка папрасіў даць пісьмовы адказ на заяўку, як таго патрабуе ад атрымальніка запросу беларускае заканадаўства.
Обсудить новость на Форуме