13:12 20.06.2006 | Все новости раздела "Объединенная Гражданская Партия"

Дырыжор капэлы арыштаваны падчас канцэрту

11:48, 20 Июня |

На канцэрце, што ладзіўся ў адной з заляў Магілёўскага абласнога мастацкага музэю імя Паўла Масьленікава, быў упершыню прадстаўлен знакаміты твор Дзьмітрыя Шастаковіча "Антыфармалістычны раёк", працу над якім аўтар распачаў яшчэ ў 48-ым годзе мінулага стагодзьдзя.

Штуршком для напісаньня твору сталася кампанія супраць прадстаўнікоў "антынароднага, фармалістычнага накірунку ў музыцы". У літаратурнай аснове тэксту ляжаць сапраўдныя выказваньні тагачасных партыйных лідэраў (несумнеўна падабенства: Едзініцын – Сталін, Двойкін – Жданаў, Тройкін – Шэпілаў), іх характэрныя моўныя інтанацыі, нават няправільныя націскі. У гучаньні "Райка" вялікую ролю адыгрываюць музычныя цытаты. Так падчас выступу Едзініцына і Двойкіна ўвесь час гучыць традыцыйны для падобнага кшталту збораў туш; сваю прамову Едзініцын робіць пад мелодыю народнай грузінскай песні "Суліко".

Выказваньні герояў "Райка", іх карыкатурныя вобразы ўжо не актуальныя і малазразумелыя без гістарычнага і палітычнага кантэксту. Сведчаньне гэтаму – факт плясканьня ў далоні часткі слухачоў пад "глінку-малінку" таварыша Тройкіна, што, безумоўна, нагадвала нешта накшталт "Славянскага базару". Сваё бачаньне твору самі музыкі прадэманстравалі тым, што калі ў фінале арыгінальнай пастаноўкі з’яўляецца рэвалюцыйны матрос, то зараз гэта быў малады нахабны чалавек ў чорнай вопратцы і ў чорных акулярах. Прыставіўшы да галавы дырыжора пісталет, вывеў апошняга з залі. Дырыжыраваць аркестрам застаўся "таварыш у фуражцы".

Музычны сэзон завершаны, але тыя, хто шукае сустрэчы з клясычнай музыкай, могуць яшчэ раз паслухаць выступ камэрнага аркестру і хору Магілеўскай гарадзкой капэлы. З творамі духоўнай музыкі яны выступяць на міжнародным фэстывалі "Магутны Божа", які штогод ладзіцца ў Магілёве.



Источник: Объединенная Гражданская Партия

  Обсудить новость на Форуме