23:00 10.12.2008 | Все новости раздела "Объединенная Гражданская Партия"
«Свабодзе» ў Інтэрнэце – 10 гадоў
21:32, 10 Декабря |
Сайт радыё «Свабода» – www.svaboda.org – трохі маладзейшы за Ўсеагульную дэклярацыю правоў чалавека, але ў яго сёньня гэтаксама юбілей: інтэрнэт-вэрсіі «Свабоды» споўнілася 10 гадоў.
«Пачаўшы ў сьнежні 1998 году са сьціплай старонкі з выбранымі інфармацыйнымі матэрыяламі дня (па 3-6 за дзень), наш сайт з гадамі рос і засвойваў новыя жанравыя прасторы», – прыгадваюць на самім свабодаўскім сайце часіну свайго пачатку. Цяпер жа ж, зазначым, сайт радыё «Свабода» – адзін з найцікавейшых ды найбольш якасных інфармацыйных прадуктаў у беларускай інтэрнэт-прасторы.
Сярод іншых службаў радыё «Свабода» беларуская інтэрнэт-вэрсія «займае першае месца ў пераліку на колькасьць насельніцтва адпаведнай краіны». Пра гэта, ізноў жа, паведамляе сам сайт www.svaboda.org – дык што ж, ёсьць чым ганарыцца.
Віншуем калегаў са «Свабоды» зь юбілеем, шчыра зычым творчых і жыцьцёвых посьпехаў!
Обсудить новость на Форуме