16:46 29.07.2008 | Все новости раздела "Объединенная Гражданская Партия"

Акцыя ў Бабруйску: “Са святам, Беларусь!”

15:15, 29 Июля |

Актывісты руху “Бунт” правялі ў Бабруйску сьвяточную акцыю “Паўнагадовая Беларусь - Час Быць Самастойнымі!”.

Яна была прымеркаваная да Дня прыняцця Дэкларацыі незалежнасці Рэспублікі Беларусь. Нагадаем, што менавіта гэты дзень да Лукашэнкі быў дзяржаўным святам – Днём Незалежнасці.

На ўездзе ў горад, на мосце, актывістамі быў замацаваны бел-чырвона-белы сцяг. Пад час вывешвання сцягу кіроўцы аўтамабіляў сігналілі ў падтрымку. 

Таксама былі распаўсюджаны ўлёткі і налепкі з віншаваннямі. У гэты дзень у Бабруйску павінен быў адбыцца канцэрт “Усе на Velcom”. Людзі, якія чакалі пачатку канцэрту недалёка ад гарвыканкаму, таксама атрымалі ў рукі віншавальныя ўлёткі. 

Нягледзячы на вялізную колькасць міліцыянтаў для аховы пляцоўкі (некалькі соцень), — ніхто, на шчасце, затрыманы не быў.

”Менавіта 27 ліпеня 1990 г. Вярхоўным Саветам БССР была прынята Дэкларацыя аб дзяржаўным суверэнітэце, — нагадваецца ва ўлётцы. — Наша краіна набыла ўсе атрыбуты незалежнай дзяржавы: сваю Канстытуцыю, герб і сцяг, беларуская мова стала дзяржаўнай. Да 1996 года гэты дзень быў Святам Незалежнасці Рэспублікі. 

Ніхто не аспрэчвае ролю беларусаў у перамозе над фашызмам. Аднак, на жаль, мела толькі намінальную незалежнасць, ва ўсім падпарадкоўваючыся загадам Масквы”.



Источник: Объединенная Гражданская Партия

  Обсудить новость на Форуме