23:30 04.09.2010 | Все новости раздела "Объединенная Гражданская Партия"

Затрыманне людзей з каманды Раманчука працягваецца

Распаўсюднікаў апазіцыйных улётак чакалі 4 верасня на міні-рынках у Гродне людзі ў цывільным. У "засаду" патрапілі два сябры Аб’яднанай грамадзянскай партыі з “Пасланнем Яраслава Раманчука да прадпрымальнікаў”.

Прыкладна а 16-й гадзіне Павел Драчоў і Наталля Комар прыйшлі на міні-рынак “Грандзічы”. Як толькі апазіцыянеры дасталі першую ўлётку, да іх падскочылі праваахоўнікі ў цывільным. Яны быццам жартам запыталі ў маладых людзей, чаго тыя так позна прыйшлі? Маўляў, “мы вас з раніцы чакаем!”

У актывістаў ўзялі тлумачэнні, канфіскавалі 50 улётак і адпусцілі, распавёў Еўрарадыё лідар гродзенскіх “Маладых дэмакратаў” Зміцер Бандарчук.

Як стала вядома Еўрарадыё, сёння міліцыянты наведалі адміністрацыі ўсіх гродзенскіх рынкаў. Праваахоўнікі папярэдзілі, каб у выпадку з’яўлення “шкодных” улётак, неадкладна званілі ў 102.

Источник: Объединенная Гражданская Партия

  Обсудить новость на Форуме