15:45 28.12.2011 | Все новости раздела "Объединенная Гражданская Партия"

Заснавана літаратурная прэмія імя Ежы Гедройца

gedroic-28Усталявалі новую літаратурную прэмію Амбасада Рэспублікі Польшча ў Рэспубліцы Беларусь, Польскі Інстытут у Менску, Беларускі ПЭН-цэнтар і Саюз беларускіх пісьменьнікаў.

Яна будзе ўручаная за найлепшую кнігу прозы, што выйшла ў 2011 годзе на беларускай мове.

Арганізатары кажуць, што гэтая ўзнагарода мае на мэце паспрыяць паглыбленьню польска-беларускіх стасункаў у галіне культуры; папулярызаваць сучасную беларускую літаратуру ў Беларусі і Польшчы, падтрымаць актуальных беларускіх пісьменьнікаў, паспрыяць выхаду іх творчасьці на міжнародны ўзровень.

Літаратурная прэмія Гедройца прысуджаецца за найлепшую кнігу, якая была выдадзеная (у папяровым або электронным варыянтах) у 2011 годзе на беларускай мове ў жанрах мастацкай прозы і эсэістыкі (журы прэміі пакідае за сабой права вызначаць жанр твораў у спрэчных выпадках).

Для намінацыі кнігі на прэмію неабходна да 10 студзеня 2012 году даслаць ( Этот e-mail адрес защищен от спам-ботов, для его просмотра у Вас должен быть включен Javascript ) або перадаць у сядзібу Беларускага ПЭН-цэнтру (Менск, вул. Залатая горка, 2-101) падпісаную заяўку ў адвольнай форме, далучыўшы да яе 5 асобнікаў намінаванай кнігі.

Абвяшчэньне і ўшанаваньне пераможцы(-аў) адбудзецца 3 сакавіка 2012 году, у Міжнародны дзень пісьменьніка. Сярод узнагародаў — магчымасьць выдаць кнігу ў Польшчы, літаратурныя стыпэндыі і запрашэньні ў эўрапейскія дамы творчасьці.

Імя Ежы Гедройца (Jerzy Giedroyc 1906 — 2000) абранае для новай прэміі з мэтай ушанаваньня памяці публіцыста, палітыка, заснавальніка і рэдактара парыскага польскамоўнага грамадзка-палітычнага часопісу «Kultura».

Ежы Гедройц нарадзіўся ў 1906 годзе ў Менску і ў сваёй культурнай дзейнасьці быў пасьлядоўным прыхільнікам добрасуседзкіх стасункаў паміж Польшчай і Беларусьсю, Літвой і Ўкраінай.

Источник: Объединенная Гражданская Партия

  Обсудить новость на Форуме