13:15 03.07.2012 | Все новости раздела "Объединенная Гражданская Партия"
За кантакты зь Бяляцкім іншых вязьняў саджаюць у ШЫЗА
Пра гэта інфармацыйна-асьветніцкай установе «Плятформа» паведаміў адзін з былых вязьняў калёніі у Бабруйску.
Вызвалены з бабруйскай калёніі чалавек сказаў, што яшчэ адміністрацыя карае за размовы зь Бяляцкім і праявы сымпатыяў да яго. Вязьняў могуць перавесьці ў інш атрад ці пазбавіць палёгкаў. Свае дзеяньні адміністрацыя калёніі тлумачыць тым, што ў атрадзе ёсьць Бяляцкі, які, маўляў ня хоча раскаяцца.
Пра гэта паведаміла «Свабодзе» супрацоўніца «Плятформы» Алена Красоўская.
Кіраўнік праваабарончага цэнтру «Вясна» Алесь Бяляцкі асуджаны на 4,5 года турмы ў лістападзе летась. Яго прызналі вінаватым у няплаце падаткаў. Праваабаронца сваёй віны не прызнаў і заявіў, што ўсе грошы, атрыманыя на ягоныя рахункі, ішлі на праваабарончую дзейнасьць.
Падставай для крымінальнага перасьледу Бяляцкага стала інфармацыя пра банкаўскія рахункі, якую перадалі афіцыйнаму Менску Літва і Польшча.
Краіны Эўразьвязу, ЗША і міжнародныя праваабарончыя арганізацыі лічаць Бяляцкага палітвязьнем, а прысуд яму — палітычна матываваным. Яны патрабуюць ад уладаў Беларусі вызваліць праваабаронцу.
Обсудить новость на Форуме