21:01 17.04.2009 | Все новости раздела "Объединенная Гражданская Партия"

Вялікая Пятніца

Сёння ў праваслаўных Вялікая Пятніца, выключны і самы сумны дзень ва ўсім літургійным годзе, які ў некаторых хрысціянскіх цэрквах з’яўляецца выходным днём.

Вялікая Пятніца — дзень смутку і малітоўнага роздуму. Гэта дзень, у якім Царква згадвае і ўшаноўвае збавіцельную Крыжовую Ахвяру Хрыста, Ягоную смерць на Галгофе. У пятніцу Хрыстос быў укрыжаваны бы злачынца разам з разбойнікамі і затым пахаваны. Для вернікаў гэтая нявінная смерць з’яўляецца вяршыняй самаахвярнасці і Божай любові. У Евангеллі пра гэта гаворыцца, што “няма большае любові за тую, калі хто душу сваю пакладзе за сяброў сваіх”.

Царква ўспрымае пакуты і смерць Хрыста як ахвяру выкуплення і прымірэння чалавека з Богам. Паколькі ў гэты дзень гэтую ахвяру прыносіць Сам Хрыстос, у Вялікую Пятніцу не адпраўляецца Святая Літургія. Па палудні ва ўсіх праваслаўных храмах служыцца вячэрня, званая “Вынасам Плашчаніцы”, калі выяву Хрыста ў магіле выносяць для пакланення і цалавання з алтара на сярэдзіну храму, дзе яна знаходзіцца да самой вялікоднай службы, а таксама рытуал “Пахавання Хрыста”.

У Вялікую Пятніцу праваслаўных вернікаў абавязвае строгі пост. У адпаведнасці з рэкамендацыяй Царквы, у меру магчымасці ўсе павінны паўстрымацца ад ежы і піцця ажно да вечара.

Источник: Объединенная Гражданская Партия

  Обсудить новость на Форуме