17:02 04.11.2009 | Все новости раздела "Объединенная Гражданская Партия"

У арміі мерапрыемствы па прадухіленні распаўсюджання ВРВІ і грыпу ажыццяўляюцца ў планавым парадку

Ва Узброеных сілах Беларусі мерапрыемствы па прадухіленні ВРВІ і грыпу ажыццяўляюцца ў планавым парадку. Пра гэта БелаПАН паведамілі ў прэс-службе Міністэрства абароны.

З мэтай прафілактыкі ўзнікнення і распаўсюджвання захворвання на высокапатагенны грып у арміі з мая 2009 года рэалізуецца шэраг мерапрыемстваў. Для засцярогі ваеннаслужачых і грамадзянскага персаналу ў перыяд сезоннага ўздыму захворванняў у воінскіх часцях і арганізацыях Мінабароны арганізавана правядзенне прафілактычных прышчэпак. Для гэтых мэт па дзяржаўным заказе на 2009 год  з Міністэрства аховы здароўя было атрымана 47 тыс. доз вакцыны супраць грыпу.

Праводзяцца мерапрыемствы па раннім выяўленні хворых у падраздзяленнях, узмоцнены медыцынскі кантроль за ваеннаслужачымі, якія прыбываюць з камандзіровак, звальненняў і адпачынкаў. Прыняты меры па выключэнні выпадкаў пераахаладжэння ваеннаслужачых ў перыяд выканання імі абавязкаў ваеннай службы. Ажыццяўляецца кантроль за падтрыманнем устаноўленага тэмпературнага рэжыму ў казармах і службовых памяшканнях. Для павышэння ахоўных сіл арганізму ваеннаслужачым дадаткова выдаецца цыбуля (часнок) за кошт норм гародніны сутачнага забеспячэння.

Штодзень інфармацыя пра захворванні з воінскіх часцей і арганізацый Узброеных сіл паступае ў 23-і санітарна-эпідэміялагічны цэнтр, дзе яна аналізуецца і затым перадаецца ў ваенна-мыдыцынскае ўпраўленне Міністэрства абароны.

Источник: Объединенная Гражданская Партия

  Обсудить новость на Форуме