14:30 16.10.2009 | Все новости раздела "Объединенная Гражданская Партия"

У Вільні адбыліся палітычныя кансультацыі прыхільнікаў дэмакратыі

На бягучым тыдні прадстаўнікі дэмакратычных сілаў Беларусі правялі ў Вільні палітычныя кансультацыі на прадмет ацэнкі сённяшняй сітуацыі і перспектыў яе развіцця. Паводле слоў Анатоля Лябедзькі, там сабраліся “прыхільнікі таго, каб у Беларусі рэалізаваўся сцэнар пад умоўнай назвай “Дэмакратыя”. Бо ёсць і іншы падыход – частка апазіцыі выступае за рэалізацыю праекта “Кіруемая дэмакратыя”.

Не сакрэт, што ў дэмакратычнай супольнасці існуюць дзве тэндэнцыі, якія аб’ядноўваюць тых, хто адстойвае думку аб неабходнасці дэмакратыі, і тых, хто кажа аб неабходнасці нейкага пераходнага этапу, кіруемай дэмакратыі, што нельга зараз прыйсці да таго, каб у Беларусі была дэмакратыя.

Як  распавёў Анатоль Лябедзька, палітыкі намераны дамагацца таго, каб у Беларусі прайшлі рэальныя рэформы, як у сферы кіравання, так і ў эканоміцы. “Мы абмяркоўвалі таксама, - кажа А.Лябедзька, - перадвыбарчую сітуацыю. Усе выказаліся за тое, што патрэбны адзіны кандыдат. І гэта стымулюе сёння сітуацыя: згодна з дадзенымі Незалежнага інстытута палітычных і эканамічных даследаванняў, 51% выбаршчыкаў хочуць бачыць новы твар і толькі 37% гатовы галасаваць за Лукашэнку. Гэта добры пасыл, які трэба выкарыстаць. Але наконт таго, якім чынам выйсці  на аднаго кандыдата, ёсць розныя думкі і падыходы, таму будуць праводзіцца яшчэ дадатковыя кансультацыі”.

У абмеркаванні бралі ўдзел: старшыня Нацыянальнага Камітэта АДС і старшыня АГП Анатоль Лябедзька, намеснік старшыні АГП Леў Марголін, Валеры Ухналёў (сакратар ЦК ПКБ), Аляксандр Казулін (экс-кандыдат у прэзідэнты), Аляксандр Ярашук (старшыня БКДП), Станіслаў Шушкевіч (старшыня БСДГ), Анатоль Ляўковіч (старшыня БСДП(Г)), Мечыслаў Грыб (намеснік старшыні БСДП(Г)).

Источник: Объединенная Гражданская Партия

  Обсудить новость на Форуме