12:15 27.04.2012 | Все новости раздела "Объединенная Гражданская Партия"
У Гомелі ўшанавалі памяць ахвяр катастрофы
Традыцыйную акцыю да чарнобыльскай гадавіны правялі дэмакратычныя сілы Гомеля. Каля 30 актывістаў усклалі кветкі да капліцы, пабудаванай у памяць ахвяраў катастрофы на ЧАЭС.
Прадстаўнікі АГП, партыі «Справядлівы свет», кампаніі «Гавары праўду» правялі таксама невялікае шэсце да капліцы ад універсаму «Бранскі» і зладзілі хвіліну маўчання. На гэты раз міліцыянты не здымалі ўдзельнікаў акцыі на відэа і ніяк не перашкаджалі мерапрыемству.
«Мы традыцыйна сабраліся тут, каб успомніць ахвяраў катастрофы і звярнуць увагу на тое, што шматлікія «чарнобыльскія» пытанні дагэтуль не вырашаныя. Таксама мы выступаем супраць будаўніцтва АЭС у Беларусі, бо ў нас няма прафесіяналаў, якія здолеюць сістэмна абслугоўваць небяспечны аб'ект. Таму мы не застрахаваныя ад новай катастрофы», - пракаментаваў падзею намеснік старшыні АГП Васіль Палякоў.
www.spring96.org
Обсудить новость на Форуме