17:00 08.12.2009 | Все новости раздела "Объединенная Гражданская Партия"

Тэрмін утрымання пад арыштам працягнуты

8-га снежня скончваецца чарговы тэрмін следства па справе ваўкавыскіх прадпрымальнікаў Мікалая Аўтуховіча і Уладзімера Асіпенкі. Апошняе абвінавачванне, якое высунулі арыштаваным прадпрымальнікам Аўтуховічу і Асіпенку – гэта падрыхтоўка тэракту. 

Аб тым, як ідзе следства, Рацыя пацікавілася ў адваката Аўтуховіча – Паўла Сапелкі:

- Следства практычна завершана, але тэрмін утрымання пад арыштам працягнуты да 8-га студзеня. Ён працягнуты для азнаямлення з матэрыяламі справы. 

Па словах Паўла Сапелкі, абвінавачаныя і іх адвакаты азнаёміліся фактычна з паловай матэрыялаў крымінальнай справы. Пакуль усе матэрыялы не будуць вывучаныя, справа не можа быць перададзеная ў пракуратуру з далейшым накіраваннем яе ў суд.

Павел Сапелка таксама паведаміў, што амаль кожны дзень сустракаецца са сваім падабаронным і распавёў пра стан яго здароўя:

- У прынцыпе, па-ранейшаму. Адзінае, што хвалюе - пытанне стаматалагічнага пратэзавання, якое ўпарта нікім не вырашаецца. Ідзе перапіска, якая пакуль ніякіх вынікаў не прыносіць.

Источник: Объединенная Гражданская Партия

  Обсудить новость на Форуме