17:00 05.01.2012 | Все новости раздела "Объединенная Гражданская Партия"

Сведкі гатовыя заступіцца за падпалкоўніка Казлова

Былы падпалкоўнік міліцыі Мікалай Казлоў знайшоў сведкаў свайго затрымання вечарам 19 снежня мінулага года. Людзі адгукнуліся на яго зварот праз незалежныя СМІ. Яны гатовыя ў судзе пацвердзіць абгрунтаванасць прэтэнзій Казлова як да супрацоўнікаў у цывільным, якія яго затрымлівалі, так і да рашэння суда наконт арышту падпалкоўніка на 5 сутак.

Казлоў: "Яны патэлефанавалі, назвалі сябе. Чакаю зараз рэакцыі суда — яны мусяць паведаміць, калі будзе судовае паседжанне. Тое самае і наконт скаргаў у пракуратуру: яны пададзеныя на тых супрацоўнікаў, якія сфальсіфікавалі ўсё — ад першага да апошняга слова ў сваіх рапартах. Таксама чакаю рэакцыі, але пакуль няма ніякай".

Нагадаем, Мікалая Казлова затрымалі 19 снежня ў Мінску на пераходзе ля ўніверсама “Цэнтральны”. Але ў міліцэйскім рапарце адзначана, што яго затрымалі ля Чырвонага касцёла за тое, што ён, нібыта, брудна лаяўся на адрас журналістаў і ўдзельнікаў несанкцыяванай акцыі. За гэта падпалкоўніка міліцыі асудзілі на 5 сутак арышту.

Пасля адбыцця пакарання Казлоў напісаў скаргу ў пракуратуру на дзеянні супрацоўнікаў у цывільным і заяву ў суд. Падпалкоўнік не верыць, што пакараюць супрацоўнікаў праваахоўных органаў, якія, па яго словах, сфальсіфікавалі пратакол яго затрымання, ні ў перагляд рашэння суда. Але, кажа Казлоў, і ў суддзі, і супрацоўнікаў пракуратуры мусіць быць выбар.

Верагодна, кажа Казлоў, суд можа адбыцца ўжо на наступным тыдні.

Источник: Объединенная Гражданская Партия

  Обсудить новость на Форуме

Белоруссия

Белорусская социал-демократическая партия (Грамада) Объединенная Гражданская Партия Россия Украина Белоруссия Молдавия Казахстан Киргизия Узбекистан