13:15 07.07.2012 | Все новости раздела "Объединенная Гражданская Партия"
Суд вырашыў канфіскаваць офіс «Вясны»
Партызанскі суд Менску вырашыў канфіскаваць кватэру, дзе працавала „Вясна“. Рашэньне суду дасланае Алесю Бяляцкаму ў калёнію.
Натальля Пінчук, жонка кіраўніка «Вясны» Алеся Бяляцкага, паведаміла «Свабодзе»:
«На гэтым тыдні Партызанскі суд Менску вырашыў канфіскаваць кватэру, дзе працавала „Вясна“, а таксама частку прыватнай маёмасьці. Гэтае рашэньне будзе абскарджвацца».
У Партызанскім судзе Менску паведамілі, што рашэньне суд прыняў 4 ліпеня і яно высланае Алесю Бяляцкаму ў калёнію.
Праваабаронца зь «Вясны» Валянцін Стэфановіч паведаміў карэспандэнту «Свабоды», што пра рашэньне суду там нічога ня ведаюць: «Офіс працягвае працаваць».
Кіраўнік «Вясны» Алесь Бяляцкі асуджаны на 4,5 года зьняволеньня з канфіскацыяй маёмасьці за ўтойваньне прыбыткаў і адбывае пакараньне ў Бабруйскай калёніі. Алесь Бяляцкі сваёй віны не прызнаў і заявіў у судзе, што атрыманыя ім з-за мяжы грошы ішлі на дапамогу рэпрэсаваным. Праваабаронцы прызналі Алеся Бяляцкага палітвязьнем.
Обсудить новость на Форуме