18:45 07.06.2012 | Все новости раздела "Объединенная Гражданская Партия"

Статут ВКЛ 1588 года ўжо ў Беларусі! (Фота)

Эпапея з набыццём арыгінальнага асобніка Статута Вялікага княства Літоўскага ўзору 1588 года скончаная. Сёння яго прывезлі ў Мінск, дзе ўрачыста прэзентавалі. Са сталіцы Статут перавязуць у Магілёўскі музей, дзе ён і будзе захоўвацца. Справа ў тым, што менавіта дырэктар магілёўскага музею Аляксей Бацюкоў ініцыяваў збор сродкаў на набыццё юрыдычнай рэліквіі. Усёй краінай назбіралі 15 тысяч долараў, яшчэ 30 ахвяравала кампанія Alpari.

statut-97403

"Вельмі прыемна! Нам тэлефануюць, пішуць абсалютна незнаёмыя людзі і дзякуюць. Кажуць "дзякуй за гераічны ўчынак". Вельмі прыемна, што гэтая акцыя знайшла водгук сярод насельніцтва, сярод СМІ. Я хачу падзякаваць усім, хто адгукнуўся на акцыю не толькі грашамі, але проста словамі", -- сказаў у гутарцы з Еўрарадыё кіраўнік беларускага прадстаўніцтва Alpari Аляксандр Сабодзін.

Усяго ў свеце захавалася толькі 60 арыгінальных асобнікаў Статута. Дагэтуль ніводнага з іх у Беларусі не было. Зараз адзін з асобнікаў Статута будзе захоўвацца ў Магілёве.

statut-97399