13:00 18.03.2012 | Все новости раздела "Объединенная Гражданская Партия"

Станіслава Шушкевіча не выпусьцілі зь Беларусі

18 сакавіка на станцыі Гудагай на беларуска-літоўскай мяжы ссадзілі з Цягніка «Менск-Вільня» Станіслава Шушкевіча, старшыню Вярхоўнага Савету 12-га скліканьня.

Памежнікі заявілі Станіславу Шушкевічу, што ён ня мае права выязду за мяжу, але не патлумачылі, чаму.

«Сказалі, што ў Менску патлумачаць. Гэтая групоўка пры ўладзе парушае 30-ы артукул Канстытуцыі, для іх яна не пісаная. Увогуле гэта яшчэ і парушэньне маіх эканамічных правоў, бо на радзіме мне працаваць не даюць, я зарабляю, працуючы за мяжой, дык зараз і гэты шлях закрываюць. Гэта беззаконьне», — пракамэнтаваў стуацыю Станіслаў Шушкевіч.

У сакавіку за межы Беларусі не змаглі выехаць:

Анатоль Лябедзька, кіраўнік АГП;

Віктар Карнеенка, каардынатар кампаніі «За справядлівыя выбары»;

Сяргей Калякін, кіраўнік Партыі левых «Справядлівы сьвет»;

Валянцін Стэфановіч, праваабаронца цэнтру «Вясна»;

Алег Гулак, кіраўнік БХК;

Гары Паганяйла, праваабаронца БХК;

Жана Літвіна, кіраўніца БАЖ;

Міхал Янчук, прадстаўнік «Белсату».

Источник: Объединенная Гражданская Партия