16:15 22.03.2010 | Все новости раздела "Объединенная Гражданская Партия"

Спыніць парушэнні правоў чалавека ў Беларусі

Рэзалюцыя XIII з’езда Аб’яднанай грамадзянскай партыі

 Канстатуючы, што ў Беларусі пераслед за палітычную, грамадскую дзейнасць і крытыку ўлады, на жаль, стаў звычайнай практыкай;

Канстатуючы, што пасля абвяшчэння курса на збліжэнне з Еўропай сітуацыя з правамі чалавека ў Беларусі не палепшылася, з’явіліся новыя палітычныя вязні, улада арганізуе ціск на грамадскіх актывістаў і грамадскія арганізацыі;

Зыходзячы з таго, што пераслед грамадзян па палітычных матывах сведчыць пра слабасць і амаральнасць улады, яе няздольнасць кіраваць нармальнымі цывілізаванымі сродкамі і непавагу да грамадства;

З’езд  Аб’яднанай грамадзянскай  партыі

Патрабуе ад беларускіх уладаў неадкладна вызваліць палітычных вязняў Андрэя Бандарэнку і Арцёма Дубскага, спыніць палітычны пераслед Мікалая Аўтуховіча і Ўладзіміра Асіпенкі;

Патрабуе неадкладнай адмены артыкула Крымінальнага кодэкса, што прадугледжвае пакаранне за дзейнасць ад імя незарэгістраванай арганізацыі;

Патрабуе зняць усе перашкоды па рэгістрацыі грамадскіх аб’яднанняў і зарэгістраваць Саюз палякаў на чале з Анжэлікай Борыс;

Патрабуе неадкладна спыніць практыку выключэння з навучальных устаноў студэнтаў за грамадскую і палітычную дзейнасць, палітычна матываваныя «прызывы» ў войска, а арганізатараў пераследу студэнтаў прыцягнуць да крымінальнай адказнасці;

Патрабуе забяспечыць роўныя ўмовы для дзейнасці дзяржаўных і недзяржаўных сродкаў масавай інфармацыі.

Источник: Объединенная Гражданская Партия

  Обсудить новость на Форуме