18:15 22.03.2012 | Все новости раздела "Объединенная Гражданская Партия"

Сябры АГП наведалі Васіля Старавойтава

st_v_067821 сакавіка лідэр Аб'яднанай грамадзянскай партыі Анатоль Лябедзька, кіраўніца «Праваабарончага альянсу» Людміла Гразнова, прэс-сакратарка АГП Ганна Красуліна і старшыня Бабруйскай гарадской арганізацыі АГП Віктар Бузінаеў наведалі Васіля Старавойтава, які жыве ў мястэчку Мышкавічы пад Бабруйскам.

“Васіль Канстанцінавіч – неардынарны чалавек, двойчы Герой Сацыялістычнай Працы, які меў у свой час неверагодна высокі статус, – кажа Людміла Гразнова. – Цяпер яму ўжо 87, ён мае пэўныя праблемы са здароўем. Але той велічэзны статус, якога ён дасягнуў, нясе і трымае дагэтуль. Убачыць гэта – гэту сілу асобы – шмат што значыць.

Гэта сапраўдныя маякі, як Ульяна Рыгораўна, мама Юрыя Захаранкі, так і Васіль Канстанцінавіч.

Яны паказваюць, як трэба жыць, паступаць па сумленні, як пранесці высокія маральныя прынцыпы праз усё жыццё і як заставацца чалавекам, нягледзячы ні на што.

Учора мы ўбачылі двух светлых і неверагодна моцных духам людзей. Пра такіх трэба пісаць кнігі і здымаць фільмы.

Мы думалі, што наша паездка – шараговая падзея, наведванне старога сябра, чальца партыі. Але апынулася інакш. Мы ўбачылі, што ён чакаў, рыхтаваўся да нашага візіту. Акрамя таго, што мы для яго сябры, мы для яго – знак таго грамадскага прызнання, якое ён рэальна заслужыў усім сваім жыццём”.

Источник: Объединенная Гражданская Партия

  Обсудить новость на Форуме