11:30 20.03.2012 | Все новости раздела "Объединенная Гражданская Партия"
Шэсьце і мітынг на 25 сакавіка дазволены
Менгарвыканкам дазволіў правядзеньне шэсьця і мітынгу на дзень Волі 25 сакавіка.
Пра гэта паведаміў сябра аргкамітэту Віктар Івашкевіч.
Збор удзельнікаў адбудзецца ў 13.30 на пляцоўцы каля Акадэміі навук. Адтуль яны накіруюцца па вуліцы Сурганава на плошчы Бангалор, дзе а 15 гадзіне заплянаваны мітынг.
"Адбылося пасяджэньне Менгарвыканкаму, у якім напачатку браў удзел я, а потым Уладзімер Колас і Аляксей Марачкін. Менгарвыканкам даў дазвол на правядзеньне і шэсьця, і мітынгу. Усё задаволена, як мы і прасілі. Сёньня ў 17 гадзін зьбіраецца пашыраны аргкамітэт з удзелам лідэраў палітычных і грамадзкіх арганізацый. Заўтра ў 12 гадзін у памяшканьні на Кульман,4 будзе прэс-канфэрэнцыя, дзе распавядзём пра тое, што будзе ўнутры гэтага мерапрыемства. Але галоўнае, што шэсьце і мітынг дазволены. Таксама ня будзе ніякіх перашкодаў у выкарыстаньні нацыянальнай сымболікі", - распавёў Віктар Івашкевіч.
Обсудить новость на Форуме