19:15 19.08.2009 | Все новости раздела "Объединенная Гражданская Партия"

Севярынец выратаваў АлісуІ зладзіў ёй "краіну цудаў"

Сустаршыня аргкамітэту па стварэнні партыі “Беларуская Хрысціянская дэмакратыя” Павал Севярынец, які на лета перабраўся ў вёску Унорыца Рэчыцкага раёну, дзе піша раман, напаткаў у лесе дзіўную жывёліну.

Сустрэча адбылася падчас візіту Севярынца ў бліжэйшы лес за грыбамі, паведамляе прэс-служба БХД.

Як распавёў “Мы” Павал Севярынец, на лясной паляне ён заўважыў нейкі рух: “Дзіўная істота скакала, нібыта гуляла ў шахматы”.

— Жывёлінка далася сябе злавіць і аказалася зайчыхай з хворымі вочкамі. На зайчыху прыйшло паглядзець паўвёскі. А на сямейнай нарадзе было вырашана пакінуць яе ва Унорыцы, каб падлячыць зрок. Тым больш, яна чакае зайчат – і падслепаватая хутка стала б ежай для драпежнікаў.

Палітык вырашыў назваць зайчыху Алісай, бо абставіны спаткання нагадалі яму сюжэт вядомага твору Льюіса Кэрала. А месца, дзе жыве зараз Аліса – кінастужку “Матрыца”.

— Ёй спадабалася жыць у старой тэлефоннай будцы, што стаіць на панадворку ў маёй бабулі.

Апекуноў Алісы кансультуе ветэрынар праз мабільны тэлефон. Спецыялісту адсылаюцца фота хворых вачэй зайчыхі.

Павал Севярынец упэўнены, што зайчыха хутка пойдзе на папраўку.

— Апетыт у яе добры. Харчуецца капустай, морквай, — карацей, усім тым, што расце на вясковым гародчыку.

Заўважым, што Аліса пасялілася ў людзей напярэдадні Міжнароднага дня абароны бяздомных жывёл, што адзначаецца 16 жніўня.

Источник: Объединенная Гражданская Партия

  Обсудить новость на Форуме