15:03 24.03.2009 | Все новости раздела "Объединенная Гражданская Партия"

Русы пагадзіўся разам зь Лябедзькам паехаць у Астравец

Сустаршыня Палітрады аб’яднаных дэмакратычных сілаў Беларусі Анатоль Лябедзька заклікаў старшыню чарнобыльскай камісіі Палаты прадстаўнікоў Міхаіла Русага разам паехаць у Астравец.

Апазыцыйны палітык прапануе сумесна паразмаўляць з жыхарамі горада, дзе ўлады плянуюць будаваць атамную электрастанцыю.

Запрашэньне было зроблена ў Вільні, дзе сёньня заканчваецца міжнародная канфэрэнцыя ў пытаньнях ядзернай бясьпекі, экалёгіі і мажлівасьцях грамадзянскіх структураў уплываць на рашэньні палітыкаў. Дыскусія паказала, што ў іншых краінах, прыкладам, Фінляндыі, дзе зьбіраюцца таксама будаваць АЭС, жыхарам выказаць свае адносіны да будаўніцтва значна прасьцей.

Там дастаткова патэлефанаваць у мэрыю і паведаміць, што праводзіцца пэўная акцыя. Гэта і падштурхнула спадара Лябедзьку да прапановы – паехаць у Астравец і паразмаўляць зь мясцовым насельніцтвам, наколькі ім даюць мажлівасьць выказаць сваю пазыцыю адносна будаўніцтва атамнай станцыі.

Анатоль Лябедзька кажа: Міхаіл Русы даў згоду ехаць разам у Астравец. Але апазыцыйны палітык адзначае, што прадстаўнікі ўладаў пагаджаюцца на падобныя акцыі, калі знаходзяцца за мяжой. Але па вяртаньні ў Беларусь звычайна забываюцца пра абяцаньні.

Источник: Объединенная Гражданская Партия

  Обсудить новость на Форуме