16:45 10.10.2009 | Все новости раздела "Объединенная Гражданская Партия"

Расейскія войскі вывелі зь Беларусі

10 кастрычніка завяршаецца ад’езд у месцы пастаяннай дысьлякацыі расейскіх удзельнікаў апэратыўна-стратэгічных вучэньняў "Захад-2009".
Як паведаміў начальнік прэс-службы Міністэрства абароны Беларусі Вячаслаў Раменчык, апошнія чатыры чыгуначныя эшалёны з асабовым складам і тэхнікай часткаў тэхнічнага забесьпячэньня на працягу дня адправяцца ў Расею. Паводле яго слоў, перадысьлякацыя органаў ваеннага кіраваньня, злучэньняў і часткаў расейскага складніка рэгіянальнай групоўкі войск ажыцьцяўляецца ў плянавым парадку ў адпаведнасьці зь раней зацьверджанымі тэрмінамі.

Нагадаем, на тэрыторыі Беларусі сумесныя беларуска-расейскія манэўры “Захад-2009” пачаліся 18 верасьня і завяршыліся 29 верасьня. Першы расійскі воінскі эшалён прыбыў у рэспубліку 9 верасьня. Усяго на беларускую тэрыторыю было перадыслакавана прыкладна 6 тысяч ваеннаслужачых расійскай арміі і дзесяткі адзінак рознай тэхнікі. На заканчэньне манэўраў у Беларусь прыяжджаў прэзыдэнт Расеі Дзьмітрый Мядзьведзеў.

Пакідаць Беларусь расейскія войскі пачалі ўжо ў апошні дзень вучэньняў — 29 верасьня адправілася першая аўтамабільная калёна, на наступны дзень — першы воінскі эшалён. Авіяцыя Узброеных сіл Расеі, якая была задзейнічана ў вучэньнях, 1 кастрычніка пераляцела на аэрадромы пастаяннага базаваньня на тэрыторыі РФ.

Источник: Объединенная Гражданская Партия

  Обсудить новость на Форуме