16:00 15.02.2010 | Все новости раздела "Объединенная Гражданская Партия"

Расійскія СМІ: У санкцыі Варшавы супраць Мінску ніхто не верыць

"КоммерсантЪ" падае, што “польскі міністр выставіў Мінску ультыматум: нармалізацыя стасункаў з ЕС узамен на спыненне ўціску Саюзу палякаў”.  Выданне спасылаецца на польскага прэм’ера Дональда Туска, які паабяцаў, што падобная палітыка ў дачыненні да польскай і іншых мяншыняў у Беларусі прывядзе да замарожвання стасункаў з Еўрасаюзам.

Паводле "Коммерсанта", "гэтым разам крытыка Варшавы на адрас Лукашэнкі не выклікала сярод беларускай апазіцыі асаблівага энтузіязму. Найбольшае здзіўленне звязанае з тым, што ультыматум Варшавы канцэнтруе ўвагу на рэпрэсіях супраць СПБ, а праблемы адсутнасці дэмакратычных зменаў у Беларусі ўвогуле не закранутыя”, — піша расійская газета.

Пра ліст міністра замежных справаў Польшчы да Аляксандра Лукашэнкі інфармуе таксама “Независимая газета”, якая  звяртае ўвагу: “Прымаючы Мартынава ў Варшаве і падпісваючы дамову пра малы памежны рух, Польшча сама нівелюе свае пагрозы”.

Нагадаю, у польскім лісце да Лукашэнкі пералічаныя 10 пунктаў, на якія будзе ціснуць Варшава. Гаворка вядзецца пра падтрымку чарговага траншу пазыкі МВФ для Беларусі, скасаванне візавых санкцыяў, працу часткі праграмаў Усходняга Партнёрства і нават магчымасць сяброўства нашай краіны у Радзе Балтыйскага мора. Усяго гэтага не будзе, калі беларуская дзяржава працягне прэсаваць СПБ, адзначае gazeta.pl.

Источник: Объединенная Гражданская Партия

  Обсудить новость на Форуме