14:01 20.09.2010 | Все новости раздела "Объединенная Гражданская Партия"

Раманчук - у лідэрах рэйтынгу беларускіх палітыкаў паводле Google

Усе мы звяртаемся да пошукавіка амаль штодня. І самы папулярны сярод іх — Google. Без гэтага прадукту аднайменнай амерыканскай кампаніі немагчыма ўявіць сёння інтэрнэт.

Вось мы і вырашылі скарыстацца пошукавікам, каб вызначыць самага папулярнага беларускага палітыка. Прадметам пошуку сталі прозвішчы патэнцыйных кандыдатаў, іх расійская і беларуская версіі. Колькасць атрыманых спасылак і стала асноўным фактарам для вызначэння папулярнасці таго альбо іншага палітыка.

Цікава, што па-беларуску прозвішча Лукашэнка згадваецца амаль у тры разы радзей, чым па-расійску — 2,3 млн. разоў супраць 6,6 млн. А вось у Някляева сітуацыя цалкам адваротная — па-беларуску прозвішча лідара кампаніі «Гавары праўду!» згадваецца ў восем разоў часцей, чым па-расійску. Увогуле колькасць беларускамоўных спасылак перавышае колькасць расійскамоўных толькі ў трох асобаў — Някляева, Рымашэўскага і Кастусёва. У рэшты расійскія згадкі сустракаюцца альбо столькі ж разоў, колькі і беларускія, альбо значна радзей.

Рэйтынг беларускіх палітыкаў паводле пошукавіка Google

1. Лукашэнка - 62%

2. Мілінкевіч - 12%

3. Раманчук - 7%

4. Саннікаў - 5%

5. Някляеў - 5%

6. Рымашэўскі - 2%

7. Кастусёў - 2%

8. Міхалевіч - 2%

9. Гайдукевіч - 2%

Источник: Объединенная Гражданская Партия