16:45 06.07.2010 | Все новости раздела "Объединенная Гражданская Партия"

Раманчук: Мытны звяз будзе існаваць... фармальна

З сённяшняга дня на тэрыторыі Беларусі, Расіі і Казахстану ўступіў у сілу Мытны кодэкс Мытнага звязу. Што зменіць ён у жыцці нашай краіны і яе грамадзян? З гэтым пытаннем мы звярнуліся да кандыдата ад АГП ў прэзідэнты Беларусі, эканаміста Яраслава Раманчука.

“З 1992 года мы ўступаем у розныя інтэграцыйныя аб’яднанні, і дасюль маем сітуацыю, калі Беларусь сварыцца з усімі і знаходзіцца ў самаізаляцыі, -  лічыць Раманчук. - Былі спробы стварэння Мытнага звязу, Саюзнай дзяржавы, Еўразэсу. Усё гэта прывяло да сварак паміж лідэрамі краінаў. Гэта  яшчэ адна спроба. Палітычнай волі я тут не бачу. Беларускі бок настроены на тое, каб нафтапрадукты былі бяспошлінныя, каб былі адзіныя цэны на нафту і газ. Расія не будзе пагаджацца. Таму сваркі будуць працягвацца.  Я думаю, што мы нават не адчуем нічога пасля сённяшняга дня, калі ўступіў у сілу Мытны кодэкс.

На межах Беларусі нашы афіцэры будуць  кантраляваць расіян, расіяне будуць кантраляваць беларускія тавары. А ў звязку, напрыклад, з новымі патрабаваннямі да сертыфікатаў на мяса і малако, можна спадзявацца на пашырэнне мер супраць беларускіх тавараў. 

Пачалася інфармацыйная вайна. Яна падкрэслівае тое, што Мытны звяз будзе існаваць фармальна, як і іншыя дзесяткі дагавораў, якія былі паміж нашымі краінамі і існуюць цяпер. Так што, можна спаць спакойна. І, я думаю, што чэмпіянат свету па футболу, акажа на беларускую эканоміку большае ўздзеянне, чым падпісаны Мытны кодэкс”.

Источник: Объединенная Гражданская Партия

  Обсудить новость на Форуме