14:48 17.11.2009 | Все новости раздела "Объединенная Гражданская Партия"
“Праймерыз” апрабіруюць на Аршаншчыне
На пачатку студзеня ў Воршы пачнецца пробны “праймерыз” па вылучэнні адзінага кандыдата на пасаду прэзідэнта ад дэмакратычных сіл Беларусі. Такое рашэнне зацвердзіў у панядзелак Прэзідыум Палітрады АДС.
Аршанскі рэгіён абраны невыпадкова, бо ў ім дзенічае адна з самых моцных кааліцыяў, у якую ўваходзяць не толькі суб’екты АДС, але і сацыял-дэмакраты Міколы Статкевіча і нават прадстаўнікі Кансерватыўна-Хрысціянскай партыі - БНФ, кажа кіраўнік мясцовай суполкі Фронту. Чаму тэрмінам абраны менавіты студзень, распавядае кіраўнік рабочай групы па выпрацоўцы рэгламента правядзення “праймерызу” Леў Марголін:
- Таму што пасля студзеня праводзіць "праймерыз" будзе ўжо бессэнсоўна. Бо сам па сабе аршанскі "прймерыз" мае сэнс толькі ў тым выпадку, калі ён добра ў нас пройдзе, добра атрымаецца, мы зможам распаўсюдзіць гэты досвед на іншыя рэгіёны. Але калі мы будзем гэта рабіць у красавіку ці ў траўні месяцы, то нам ужо не будзе калі гэтым займацца ў іншых рэгіёнах, у іншых абласцях, у іншых гарадах.
Плануецца, што ўдзел у аршанскім “праймерызе” возьмуць не менш за тры кандыдаты – Анатоль Лябедзька, Сяргей Калякін і Лявон Баршчэўскі. Прычым, апошні будзе хутчэй за ўсё пазіцыянавацца як беспартыйны, таму што сойм Партыі БНФ забараніў актывістам браць удзел у "праймерызе".
Обсудить новость на Форуме