16:16 27.11.2009 | Все новости раздела "Объединенная Гражданская Партия"

Праект рэзалюцыі па Беларусі "завіс"

Канферэнцыя старшыняў парламенцкіх фракцыяў у Еўрапейскім парламанце адхіліла прапанову старшыні дэлегацыі па справах Беларусі Яцка Пратасевіча, каб уключыць на разгляд цяперашняй і чарговай снежанскай сесіі Еўрапарламенту апошнюю рэзалюцыю па Беларусі.

Для мяне гэта вельмі нечаканае рашэнне і не хаваю свайго разчаравання, сказаў у размове з нашым радыё еўрадэпутат Яцэк Пратасевіч. Не выключаю, што на гэтае рашэнне  паўплывалі захады беларускай дыпламатыі, адзначае еўрадэпутат.

- Могуць за гэтымі падзеямі стаяць захады беларускай дыпламатыі, каб пазбыцца адназначнай пазіцыі Еўрапарламента, які ў праекце пастановы адносна Беларусі вельмі выразна даводзіць, што беларуская дэлегацыя ў рамках Еўранэсту павінна складацца найбольш з пяці прадстаўнікоў парламенту беларускага, а таксама мінімум пяці прадстаўнікоў беларускай апазіцыі. У маім праекце пазначана, што калі гэтая ўмова беларускімі ўладамі будзе адхілена, то даты дэлегацыя з дзесяці чалавек павінна складацца выключна з прадстаўнікоў дэмакратычнай апазіцыі, а таксама грамадскіх аб’яднанняў. Гэты параграф у праекце рэзалюцыі выклікае найбольшае непрыняццё беларускай улады, якая рознымі шляхамі імкнецца ўплываць на асобных палітычных лідэраў у Еўрапарламенце, блакуючы нават абмяркаванне самога праекта.

Поўную падтрымку гэтага праекту рэзалюцыі далі ўжо Еўрапейская народная партыя і Еўрапейская кансерватыўна-ліберальная партыя. Рашучае супраць сказалі  Еўрапейскія сацыялісты і "Зялёныя", паведаміў Яцэк Протасевіч. Яны нязгодныя з тым пунктам рэзалюцыі, які гаворыць пра ўдзел беларускай апазіцыі ў Еўранэст. Старшыня дэлегацыі па Беларусі адзначыў, што будзе надалей працягваць захады, каб прапанаваная ім рэзалюцыя ўсё ж трапіла на разгляд снежанскай сесіі парламанту ў Страсбургу.

Источник: Объединенная Гражданская Партия

  Обсудить новость на Форуме