23:30 30.01.2009 | Все новости раздела "Объединенная Гражданская Партия"

Плян Раманчука ўлада праігнаравала

Прапановы, якія ўнёс у плян паляпшэньня іміджу Беларусі намесьнік старшыні Аб’яднанай грамадзянскай партыі Яраслаў Раманчук, міністэрства замежных спраў Беларусі ігнаравала. Пра гэта спадар Раманчук паведаміў “Свабодзе”:

“Я даў свой плян. Ён прынцыпова адрозьніваецца ад таго, што падрыхтаваў МЗС. І сёньня я атрымаў тое, што павінны былі яны зрабіць з улікам маіх прапаноў. Але нічога, па сутнасьці, зь іх ня ўключана.

Я напішу ліст пра гэта Лукашэнку, Сідорскаму і Макею. Гэта — безумоўна“.

Яраслаў Раманчук кажа, што чыноўнікі імкнуцца стварыць яшчэ адну дадатковую структуру:

“Няма разуменьня таго, што ў нас нестандартная сытуацыя. Не такая, калі трэба толькі крыху палепшыць маркетынг. А ёсьць жаданьне нейкім чынам канцэнтраваць у адным органе бюджэтныя, прыватныя і добраахвотныя плыні фінансаў. І каб потым гэты орган усім кіраваў.

Мы ж падыходзім да гэтага пытаньня зусім інакш. Трэба распрацаваць стратэгію краінавага маркетынгу, каб пасьля прапанаваць ураду, як зрабіць, каб наша краіна выглядала зусім інакш у вачах патэнцыйных інвэстараў. Мы прапануем даць больш правоў для вырашэньня гэтага пытаньня прадпрыемствам“.

Група краінавага маркетынгу была створана загадам прэм’ера Сідорскага. Яе ачоліў намесьнік міністра замежных спраў Андрэй Яўдачэнка.

Источник: Объединенная Гражданская Партия

  Обсудить новость на Форуме