16:15 04.11.2009 | Все новости раздела "Объединенная Гражданская Партия"

Паслы краін Еўрасаюза абмеркавалі з кіраўніком Адміністрацыі прэзідэнта Уладзімірам Макеем перспектывы супрацоўніцтва Беларусі і ЕС

Паслы краін Еўрасаюза абмеркавалі з кіраўніком Адміністрацыі прэзідэнта Уладзімірам Макеем перспектывы супрацоўніцтва Беларусі і ЕС. Пра гэта паведаміў пасол Польшчы ў Беларусі Хенрык Літвін 4 лістапада на прэс-канферэнцыі ў Мінску.

Паводле слоў дыпламата, гэтая сустрэча прайшла 2 лістапада. "Магу сказаць, што гэта была руцінная сустрэча, нічога асаблівага не трэба ў гэтым бачыць. Кожнае старшынства ЕС спрабуе такую сустрэчу арганізаваць", — сказаў пасол. Нагадаем, цяпер у ЕС старшынствуе Швецыя.

Літвін зазначыў, што дадзеная сустрэча "не мела адносінаў да савета ЕС", які ў лістападзе разгледзіць пытанне аб візавых санкцыях у дачыненні да беларускіх чыноўнікаў. "Мы абмяркоўвалі пытанні супрацоўніцтва Беларусі з ЕС. Казалі аб тым, як яно будзе выглядаць у хуткім часе. Усё, пра што казалі, адносіцца да таго, што будзе ў межах ЕС абмяркоўвацца ў лістападзе", — сказаў пасол.

Каментуючы інфармацыю польскай прэсы аб магчымым візіце Макея ў Варшаву 5-6 лістапада, Літвін паведаміў, што ў гэтыя дні візіт не планаваўся. "Такі візіт магчымы, але сказаць калі, я не магу. Калі дата будзе вядомая, мы паведамім", — сказаў Літвін.

Источник: Объединенная Гражданская Партия

  Обсудить новость на Форуме