12:30 22.12.2009 | Все новости раздела "Объединенная Гражданская Партия"

Памылка ў газеце "Наша Талачыншчына" прывяла да смерці маці траіх дзяцей-інвалідаў

У вёсцы Звенячы ад разрыву аорты памерла 40-гадовая жанчына, хаця раней дактары ў яе хваробы сэрца не выяўлялі. Прычынай, што сэрца не вытрымала стала публікацыя ў раённай газеце, дзе жанчыну назвалі алкагалічкай. Газета публікавала справаздачу пра рэйд інспекцыі па справах непаўнагадовых.

Насамрэч, жанчына алкаголь не ўжывала, але інспекцыя ў яе дом заходзіла, бо тая выхоўвае траіх дзяцей-інвалідаў, а жывуць не багата. Сама яна працавала ў СПК "Звенячы", а муж на чыгунцы. Зразумела, што эканамічны стан сям’і не назавеш самым лепшым.

Не зважаючы на трагедыю газета не прызнае памылку ў артыкуле і не збіраецца пісаць абвяржэнне. Вінаватымі рэдактар называе інспекцыю, маўляў, тыя далі неправільныя звесткі. Інспекцыя свайго слова яшчэ не сказала, але ж, напэўна, таксама віны сваёй не прызнае. А дзеці – інваліды засталіся без маці.

Источник: Объединенная Гражданская Партия

  Обсудить новость на Форуме