18:00 12.02.2012 | Все новости раздела "Объединенная Гражданская Партия"
Памерла Ўітні Х’юстан
Уітні Х’юстан была знойдзеная мёртвай у сваім нумары гатэлю Hilton ў Бэвэрлі Хілз.
Прычына сьмерці пакуль невядомая. Паліцыя кажа, што прыкметаў гвалтоўнай сьмерці няма.
Сьпявачцы было 48 гадоў.
Музычны сьвет і Галівуд смуткуе з нагоды яе сьмерці. Прыхільнікі Ўітні Х’юстан па ўсім сьвеце разьмяшчаюць у сацыяльных сетках кліпы і радкі зь яе песеняў.
Пік папулярнасьць Уітні Х’юстан прыйшоўся на 80-90 гады 20 стагодзьдзя.
Статус супэрзоркі замацаваўся за ёй пасьля выхаду ў 1992 годзе фільма «Целаахоўнік». Яна згуляла адну з галоўных роляў і выканала асноўныя музычныя партыі. Сінгл зь песьняй з гэтага фільма I Will Always Love You стаў самым пасьпяховым у кар’еры Х’юстан.
У 2000-я гады згадкі пра Ўітні Х’юстан ў прэсе былі зьвязаны збольшага зь яе сямейнымі праблемамі і пэрыядычнымі лекаваньнямі ў наркалягічных клініках.
Обсудить новость на Форуме