14:45 12.03.2012 | Все новости раздела "Объединенная Гражданская Партия"

Над спонсарамі Лукашэнкі згушчаюцца хмары

Карл Эр’явецМіністры замежных справаў краінаў Эўразьвязу неўзабаве складуць «чорны сьпіс» беларускіх бізнэсоўцаў. Пра гэта заявіў славенскі міністар Карл Эр’явец, які 9-10 сакавіка браў удзел у нефармальны саміце ЭЗ у фармаце «Гімніх» у Капэнгагене.

Падчас інтэрвію славенскім СМІ Эр’явец, у прыватнасьці, распавёў пра шырокую дыскусію на тэму выкарыстаньня санкцыяў у дачыненьні да Беларусі, Ірану і Сырыі.

Спасылаючыся на неафіцыйную інфармацыю, Эр’явец адзначыў, што праз два тыдні на чарговай працоўнай сустрэчы кіраўнікоў МЗС будуць абмеркаваныя санкцыі ў дачыненьні да кіраўнікоў тых беларускіх кампаніяў ды бізнэсоўцаў, якія падтрымліваюць рэжым Лукашэнкі. Славенскі міністар адзначыў, што ў гэты сьпіс увойдзе ня толькі Юры Чыж, які супрацоўнічае зь люблянскай кампаніяй Riko (ня так даўно фірма атрымала ў Беларусі будаўнічы кантракт на 100 мільёнаў эўра).

У Капэнгагене Эр’явец сказаў, што ЭЗ патрэбная агульная стратэгія ў справе эканамічных санкцый у трэціх краінах, і гэтыя санкцыі не павінны закранаць інтарэсы толькі адной краіны ЭЗ.

Эр’явец меў на ўвазе эпізод, які ўзьнік на лютаўскім саміце эўрапейскіх міністраў у Брусэлі. Тады Любляна заблякавала ўключэньне кандыдатуры Чыжа ў сьпіс беларускіх чыноўнікаў, супраць якіх трэба ўжыць санкцыі, маўляў, Чыж – адзіны бізнэсовец у тым пераліку, хаця далёка не адзіны сярод прадпрымальнікаў, якія падтрымліваюць рэжым Лукашэнкі:

«Мы падтрымліваем санкцыі, каб прадухіліць парушэньні правоў чалавека, але мы павінны забясьпечыць пасьлядоўны падыход, каб эканамічныя санкцыі, калі яны будуць узгодненыя, былі эфэктыўныя", — патлумачыў Карл Эр’явец.

У інтэрвію славенскім журналістам, міністар адзначыў, што на «Гімніху» ў  Капэнгагене яго пазыцыя была сустрэтая з разуменьнем і ня выклікала крытыкі з боку калегаў.

У адрозьненьне ад пасяджэньняў Рады ў замежных справах ЭЗ, у фармаце «Гімніх» афіцыйна ўзгодненыя рашэньні не выносяцца.

Источник: Объединенная Гражданская Партия

  Обсудить новость на Форуме