18:00 30.06.2012 | Все новости раздела "Объединенная Гражданская Партия"

Марэк Мігальскі: Лукашэнку трэба нагадаць, дзе яго месца

migalski-12050901Марэк Мігальскі звярнуўся з адкрытым лістом да Браніслава Камароўскага. Еўрадэпутат заклікае прэзідэнта Польшчы, каб падчас заўтрашняга фінальнага матчу “Еўра 2012” у нейкі спосаб прадэманстраваць стаўленне палякаў да Лукашэнкі і да яго рэжыму.

У СМІ з'явілася інфармацыя, што Аляксандр Лукашэнка будзе прысутнічаць у Кіеве на фінальным матчы чэмпіянату Еўропы па футболе. "У польскага прэзідэнта ёсць магчымасць праявіць нашу пазіцыю да рэпрэсій, якія ён выкарыстоўвае ў дачыненні да апазіцыіі ды розных непалітычных рухаў і арганізацый грамадзянскай супольнасці, напрыклад, Саюз палякаў у Беларусі", - адзначае еўрадэпутата Марэк Мігальскі.

- Я накіраваў ліст да прэзідэнта Браніслава Камароўскага, гэты ліст адкрыты і ёсць у інтэрнэце, с просьбай, каб ён падчас фіналу чэмпіянату Еўропы па футболе прадэманстраваў сваё ўласнае стаўленне да Лукашэнкі і тое, што палякі думаюць пра яго рэжым. Тым спосабам, якім ён сам палічыць зручным. Каб гэта ўбачыла публічнасць, у тым ліку беларусы. Гэта не дапушчальна, каб Лукашэнка быў у VIP-ложы побач з іншымі, дэмакратычна абранымі, лідарамі заходняга свету і рабіў выгляд, што ёсць нармальным прэзідэнтам.

З неафіцыйных крыніцаў стала вядома, што Аляксандр Лукашэнка, які прыедзе на фінальны матч "Еўра-2012" у Кіеве 1 ліпеня, будзе сядзець у ложы для высокапастаўленых гасцей, у якой будуць знаходзіцца прэзідэнт Украіны Віктар Януковіч і прэзідэнт Польшчы Браніслаў Камароўскі. Шматлікія заходнееўрапейскія СМІ паведамляюць аб немэтазгоднасці ўдзелу ў мерапрыемстве лідараў краінаў ЕС, у сувязі з унутрыпалітычнай сітуацыяй ва Украіне і з магчымым прыездам у Кіеў “апошняга дыктатара Еўропы”.

Источник: Объединенная Гражданская Партия

  Обсудить новость на Форуме