17:46 18.11.2009 | Все новости раздела "Объединенная Гражданская Партия"

Міністэрства інфармацыі папярэдзіла «Нашу Ніву», «Народную волю», «КП в Беларуси» і «Ва-Банк»

Праўда пра грып выклікала ў чыноўнікаў шал?

Міністэрства інфармацыі вынесла пісьмовыя папярэджанні чатыром незалежным газетам. Матывацыя — «у сувязі з парушэннямі ў публікацыях патрабаванняў Закона Рэспублікі Беларусь «Аб сродках масавай інфармацыі».

Усім выданням указана на парушэнні розных артыкулаў Закона, але сутнасць іх адна: пра даставернасць інфармацыі.

У прыватнасці, 16 лістапада было вынесенае папярэджанне юрыдычнай асобе, на якую ўскладзеныя функцыі рэдакцыі газеты «Наша Ніва» — пра недапушчальнасць парушэння артыкулу 34 вышэйзгаданага Закона.

Заснавальнік газеты «Ва-банкъ» і юрыдычная асоба, на якое ўскладзеныя функцыі рэдакцыі газеты, у той самы дзень атрымалі папярэджанне пра недапушчальнасць парушэння артыкулаў 14, 38 і 49.

17 лістапада было вынесенае папярэджанне юрыдычнай асобе, на якую ўскладзеныя функцыі рэдакцыі газеты «Народная воля». Ёй указваюць на недапушчальнасць парушэння артыкулу 38 Закона.

І юрыдычная асоба, на якую ўскладзеныя функцыі рэдакцыі газеты «Комсомольская правда» в Белоруссии», папярэджаная Міністэрствам інфармацыі пра недапушчальнасць парушэння артыкулаў 4, 49 Закона Республікі Беларусь « Аб сродках масавай інфармацыі».

У папярэджаннях указана выправіць у дзесяцідзённы тэрмін парушэнні Закона.

nn.by

Источник: Объединенная Гражданская Партия

  Обсудить новость на Форуме